अंबरनाथ हादरलं… सोबत फिरायला आलेल्या तरुणीवर तीन मित्रांनी केला सामुहिक बलात्कार

अंबरनाथ अतिरिक्त  औद्योगिक  परिसरात असलेल्या जीआयपी धरण परिसरात हा प्रकार  झाला  असून पोलीस अधिक तपास करत असल्याची माहिती भोगे यांनी दिली आहे.  रविवारी दुपारी अंबरनाथच्या अतिरिक्त औद्योगिक  वसाहतीच्या शेजारी असणाऱ्या रेल्वेच्या ग्रेट इंडीयन पेनिनसुला धरणाच्या परिसरात ही तरुणी तीन मित्रांबरोबर फिरायला गेली होती. त्यावेळी त्यांनी तिच्यावर बलात्कार केल्याची तक्रार तरूणीने शिवाजीनगर पोलीस ठाण्यात दिली. या तक्रारीनंतर पोलिसांनी तीन आरोपींना अटक केली आहे.

हे तीनही आरोपी २५ ते ३० वयोगटातील आहेत, अशी माहिती शिवाजीनगर पोलीस ठाण्याचे वरिष्ठ पोलीस निरिक्षक मधुकर भोगे यांनी दिली आहे. या प्रकरणी अधिक तपास सुरू आहे, अशी माहिती भोगे यांनी दिली आहे. या घटनेनंतर सलग दुसऱ्या दिवशी अंबरनाथ शहरात खळबळ माजली आहे.