एकतर्फी प्रेमातून तरुणीवर हल्ला

भिवंडी येथील शांतीनगर भागात पीडित तरुणी राहते. याच परिसरात मुक्तार आणि शाहिद राहतात. ९ एप्रिलला तरुणी परिसरातून पायी जात असताना मुक्तार आणि शाहीद या दोघांनी तिला अडविले. शाहिदने तरुणीला पकडले. तर मुक्तारने त्याच्याकडे असलेल्या चाकूने पीडित तरुणीची ओठ कापले. या घटनेनंतर मुक्तार आणि शाहिद या दोघांनी पळ काढला. पीडित तरुणीला नागरिकांनी तात्काळ उपचारासाठी सरकारी रुग्णालयात दाखल केले.

याप्रकरणी सोमवारी शांतीनगर पोलीस ठाण्यात गुन्हा दाखल करण्यात आला असून पोलीस दोघांचाही शोध घेत आहेत.