लोकसत्ता खास प्रतिनिधी

कल्याण : उल्हासनगर येथील चोपडा न्यायालयात शनिवारी भाजप आमदार गणपत गायकवाड यांना न्यायालयीन सुनावणीसाठी पोलिसांनी हजर केले होते. त्यावेळी न्यायालयाच्या बाहेर आमदार गायकवाड यांच्या समर्थनार्थ घोषणाबाजी करणाऱ्या ४० स्त्री, पुरूष भाजप कार्यकर्त्यांविरूद्ध पोलिसांनी मध्यवर्ती पोलीस ठाण्यात शनिवारी रात्री गुन्हा दाखल केला.

Meenakshi Shinde
आचारसंहितेच्या कालावधीत बचतगटांना आनंद आश्रमातून अनुदान वाटप ? शिवसेनेच्या माजी महापौर मिनाक्षी शिंदेंविरोधात निवडणूक आयोगाकडे तक्रार
Abhishek Ghosalkar murder case
अभिषेक घोसाळकर हत्या प्रकरणाचा तपास सीबीआय किंवा एसआयटीकडे द्या, तेजस्वी घोसाळकरांची उच्च न्यायालयात मागणी
gulabrao patil
चावडी: बाळासाहेब भवन की ?
Hemant Godse
अस्वस्थ खासदार हेमंत गोडसे कार्यकर्त्यांसोबत मुख्यमंत्र्यांच्या ठाण्यातील निवासस्थानी, अन्याय होणार नसल्याची एकनाथ शिंदेंची ग्वाही

शिवसेना शहरप्रमुख महेश गायकवाड यांच्यासह समर्थक राहुल पाटील यांच्यावर गोळीबार केल्यानंतर आमदार गणपत गायकवाड यांच्यासह तीन जणांना हिललाईन पोलिसांनी अटक केली. सुरक्षेच्या कारणावरून आमदार गायकवाड यांना कळवा पोलीस ठाण्यातील कोठडीत हलिवण्यात आले. तेथून त्यांची दूरदृश्यप्रणाली व्दारे सुनावणी घेण्याची तयारी पोलिसांनी सुरू केली होती. परंतु, आमदार गायकवाड हे गंभीर गुन्ह्यातील आरोपी असल्याने न्यायालयाच्या सूचनेवरून आमदार गायकवाड यांना पोलीस वाहनाने उल्हासनगर येथील चोपडा न्यायालयात हजर करण्यात आले.

आणखी वाचा-कल्याण मधील बांधकाम व्यावसायिकाकडून शिवसेना शहरप्रमुख महेश गायकवाड यांच्यावर गुन्हा; व्दारलीतील इतर ७० ग्रामस्थां विरूध्दही गुन्हे

यावेळी भाजपच्या कार्यकर्त्यांनी आमदार गायकवाड यांच्या समर्थनार्थ जोरदार घोषणाबाजी केली. उल्हासनगर शहरात मनाई आदेश असताना कार्यकर्त्यांनी मनाई आदेशाचा भंग केला म्हणून पोलिसांनी घोषणाबाजी करणाऱ्या कार्यकर्त्यांवर गुन्हा दाखल केला आहे. या कार्यकर्त्यांची ओळख पटवून त्यांच्यावर कारवाई केली जाणार असल्याचे पोलिसांनी सांगितले.