डोंबिवलीत दस्त नोंदणीसाठी दाखल बनावट कागदपत्रे पकडली, दलाल-भूमाफियांमध्ये खळबळ

हेही वाचा >>> अनधिकृत बांधकामे आढळली तर थेट आयुक्तांवर कारवाई; पालकमंत्री शंभूराज देसाई यांचा इशारा

कल्याण मधील चिकणघर मधील होली क्राॅस रुग्णालया समोरील सह दुय्यम निबंधक दोन आणि डोंबिवलीतील सह दुय्यम निबंधक चार कार्यालयात गेल्या तीन महिन्यांपासून अधिकारी, कर्मचाऱ्यांची दिशाभूल करुन मालमत्तांची बनावट कागदपत्रांचा आधार घेऊन दस्त नोंदणी सुरू असल्याची माहिती एका विश्वसनीय सुत्राने प्रस्तुत प्रतिनिधीला दिली. या माहितीची खात्री केल्यावर ती खरी असल्याचे समजले.

हेही वाचा >>> डोंबिवली पश्चिमेतील राहुलनगरमध्ये दोन बेकायदा इमारतींची उभारणी, बनावट कागदपत्रांव्दारे सदनिकांची विक्रीची तयारी

या संबंधीचे सविस्तर वृत्त ‘लोकसत्ता’ ऑनलाईन माध्यमात प्रसिध्द होताच, सह दुय्यम निबंधक कार्यालयातील अधिकारी, कर्मचारी अस्वस्थ झाले. त्यांनी दलालांच्या माध्यमातून कार्यालयात दस्त नोंदणीसाठी दाखल होणारा कागद बारकाईने तपासण्यास सुरुवात केली. डोंबिवलीतील सह दुय्यम निबंधक कार्यालयात सोमवारी दोन दलाल दस्त नोंदणीसाठी बनावट कागदपत्र घेऊन हजर होते. त्यांच्या कागदपत्रांची कनिष्ठ कर्मचाऱ्यांनी पडताळणी करुन दस्तऐवज वरिष्ठ अधिकाऱ्यांच्याकडे शिक्का आणि स्वाक्षरीसाठी पाठविण्यात आले. त्यावेळी वरिष्ठांनी कागदपत्रांविषयी संबंधित दोन दलालांना प्रश्न करताच, ते गडबडले. त्यांची चोरी पकडली गेली. बनावट दस्त ऐवज दाखल करणाऱ्या दलालांवर अधिकाऱ्यांनी फौजदारी कारवाई न केल्याने आश्चर्य व्यक्त केले जात आहे.