ठाणे : कळवा येतील टाकळी मोहल्ला येथील नऊ मजली इमारतीच्या विद्युत मीटरमध्ये झालेल्या तांत्रिक बिघाडामुळे आग लागल्याची घटना बुधवारी सांयकाळी उघडकीस आली. इमारतीमध्ये ३० ते ३५ रहिवासी अडकले होते. त्यांची सुखरूप सुटका करण्यात आली. त्यानंतर सुमारे तासाभराने ही आग आटोक्यात आली. टाकली मोहल्ला येथे मकुबा हाईट्स ही नऊ मजली इमारत आहे. बुधवारी दुपारी ३ वाजताच्या सुमारास येथील विद्युत मीटरमध्ये तांत्रिक बिघाड होऊन अचानक आग लागली. दरम्यान, स्फोटांचा आवाजही झाला. इमारतीतील काही रहिवासी गच्चीवर होते. तर काही नागरिक घरात अडकून होते. घटनेची माहिती महाालिकेच्या अग्निशमन दलाला मिळाल्यानंतर पथकाने सर्व नागरिकांना सुखरुप बाहेर काढले. त्यानंतर तासाभरात आगीवर नियंत्रण मिळविणे दलाला शक्य झाले.