ठाणे : लोकसभा निवडणुकीच्या काळात ठाणे महापालिका क्षेत्रात सुरू असलेल्या बेकायदा बांधकामांच्या मुद्द्यावरून भाजपचे आमदार संजय केळकर यांनी संताप व्यक्त केला होता. त्यापाठोपाठ आता शिवसेना उद्धव बाळासाहेब ठाकरे पक्षाचे उपजिल्हा प्रमुख संजय घाडीगावकर यांनी कळवा, मुंब्रा आणि दिवा भागात बेकायदा बांधकामे सुरू असल्याचे पुरावे समाज माध्यमांवर सादर केले आहेत. येथील बांधकामांची छायाचित्र प्रसारित करत त्यावर कारवाई करून दाखविण्याचे आव्हान त्यांनी पालिका प्रशासनाला दिले आहे.

ठाणे महापालिका क्षेत्रातील बेकायदा बांधकामांविरोधात तत्कालीन आयुक्त अभिजीत बांगर यांनी विशेष मोहिम हाती घेतली होती. यामध्ये इमारतींचे बांधकाम जमीनदोस्त करण्यात आले होते. लोकसभा निवडणुक काळात पालिका यंत्रणा व्यस्त असल्याचा फायदा घेऊन भूमाफिया पुन्हा सक्रीय झाले. यासंबंधीच्या तक्रारी नवे आयुक्त सौरभ राव यांच्याकडे प्राप्त होताच त्यांनी भूमाफियांनी उभारलेली बांधकामे जमीनदोस्त करण्याचे आदेश दिले होते. या आदेशानंतर शहरात बेकायदा बांधकामे सुरू असल्याच्या तक्रारी पुढे येत आहेत. काही दिवसांपुर्वी भाजपचे आमदार संजय केळकर यांनी शहरात बेकायदा बांधकामे सुरु असल्याच्या मुद्द्यावरून संताप व्यक्त करत पालिका प्रशासनावर टिका होती. त्यापाठोपाठ आता शिवसेना उद्धव बाळासाहेब ठाकरे पक्षाचे उपजिल्हा प्रमुख संजय घाडीगावकर यांनी शहरात बेकायदा बांधकामे सुरु असल्याचे पुरावेच समाज माध्यमांवर सादर केल्याने खळबळ उडाली आहे. एकट्या दिवा भागात ८८ बेकायदा बांधकामे सुरू असल्याचा अंदाज घाडीगावकर यांनी वर्तविला. त्याचबरोबर कळवा आणि मुंब्रा भागातही बेकायदा बांधकामे सुरूच असल्याचे त्यांनी म्हटले आहे.

Clarify stand on Jitendra Awhads plea to consolidate all offences High Court orders govt
श्रीरामाबाबत केलेले वादग्रस्त वक्तव्य : सर्व गुन्हे एकत्र करणाच्या आव्हाडांच्या याचिकेवर भूमिका स्पष्ट करा, उच्च न्यायालयाचे सरकारला आदेश
MNS MLA Raju Patil, Maharashtra Navnirman sena, raju patil, Raju Patil Criticizes MMRDA for Traffic Congestion, Traffic Congestion Due to Metro Work Shilphata Road, Kalyan Shilphata Road,
शिळफाटा रस्त्यावरील मेट्रोची दिखाव्याची कामे बंद करा, मनसे आमदार राजू पाटील यांची ‘एमएमआरडीए’वर टीका
manusmriti verses not proposed in news syllabus says dcm devendra fadnavis
अभ्यासक्रमात मनुस्मृतीच्या श्लोकांचा प्रस्ताव नाही; उपमुख्यमंत्री देवेंद्र फडणवीस यांचे स्पष्टीकरण
Pratap Hogade, smart meter,
स्मार्ट प्रीपेड मीटर म्हणजे नालेसाठी घोड्याची खरेदी ! सर्वपक्षीय कार्यकर्त्यांनी प्रीपेड विरोधी चळवळ राबवावी – प्रताप होगाडे
naxalite organization allegation on police of killing innocents in the name of naxalites
नक्षलवादी ठरवून निरपराध नागरिकांची हत्या; छत्तीसगड चकमकीनंतर नक्षल्यांचा पत्रकातून आरोप
Shram Parihar at Swami Vivekananda Udyan in Airoli Sector
उद्यानात कार्यकर्त्यांचा ‘श्रमपरिहार’! नवी मुंबई पोलीस तसेच महापालिका अधिकाऱ्यांचे दुर्लक्ष
maha vikas aghadi officials raise ichalkaranji pending issue infront of municipal administration
इचलकरंजीतील प्रलंबित प्रश्‍नांवरुन महाविकास आघाडीच्या पदाधिकार्‍यांकडून महापालिका प्रशासन धारेवर
The people of Dharavi will benefit from rehabilitation Rahul Shewale
उमेदवारांची भूमिका- दक्षिण मध्य मुंबई; पुनर्वसनातून धारावीकरांचा फायदाच होईल- राहुल शेवाळे (शिवसेना शिंदे गट)

हेही वाचा…कल्याणमध्ये बाळ हरदास यांची शिंदे गटाच्या कार्यकर्त्याला जीवे मारण्याची धमकी, बाळ हरदास यांनी आरोप फेटाळले

शिवसेना उद्धव बाळासाहेब ठाकरे पक्षाचे उपजिल्हा प्रमुख संजय घाडीगावकर यांनी कळवा, मुंब्रा आणि दिवा भागात सुरू असलेल्या बेकायदा बांधकामांबाबत पालिका प्रशासनाकडे तक्रार केली होती. .या तक्रारीची शहानिशा करून कारवाई करावी, अशा सुचना उपायुक्तांनी संबंधित सहाय्यक आयुक्तांना दिल्या होत्या. यानंतरही कारवाई होत नसल्यामुळे अखेर घाडीगावकर यांनी कळवा, मुंब्रा आणि दिवा भागात सुरु असलेल्या बेकायदा बांधकामाची छायाचित्रे समाजमाध्यमांवर प्रसारित केली. हा घ्या बेकायदा बांधकामांचा पुरावा आणि त्यावर कारवाई करून दाखवा, असे आव्हानही त्यांनी पालिका अधिकाऱ्यांना दिले आहे.