ठाणे : केळी विक्रेत्याकडून केळी खरेदी करताना एक केळ अधिकचे घेतल्याने विक्रेता आणि त्याच्या मुलाने ग्राहकांवर राॅडने हल्ला करून मारहाण केल्याचा गंभीर प्रकार भिवंडीत उघडकीस आला आहे. याप्रकरणी केळी विक्रेता राम गुप्ता (४४) आणि त्याचा मुलगा संजय गुप्ता (१९) यांच्याविरोधात नारपोली पोलीस ठाण्यात गुन्हा दाखल करण्यात आला असून पोलिसांनी रविवारी त्यांना अटक केली आहे.

भिवंडी येथील कामतघर भागात राहणारा तरूण त्याच्या मित्रासह शनिवारी सायंकाळी नारपोली येथील हनुमान मंदिर परिसरातून पायी जात होते. त्यावेळी केळी विक्रेता राम हा त्याच्या हातगाडीवर तेथे केळी विक्री करत होता. तरूणाने त्याच्याकडून अर्धा डजन केळी विकत घेतली. त्यावेळी तरूणाच्या मित्राने एक केळ जास्त घेतले. त्याचा राग आल्याने राम याने त्याला धक्का दिला. एका केळ्याचे पैसे अधिक घे परंतु धक्काबुक्की करू नको असे त्याने रामला खडसावले. त्यानंतर राम याने मोठ्याने शिवीगाळ करण्यास सुरूवात केली.

Boyfriend Stabs Girlfriend
“…तर आरती यादव वाचली असती”, पोलिसांवर आरोप करत पीडितेच्या आई-बहिणीने फोडला टाहो
Assam Home Secretary Shiladitya Chetia commits suicide after wife death
पत्नीच्या मृत्यूनंतर आसामच्या गृहसचिवांची आत्महत्या
man killed son by stuffing bunch of notebook pages in his mouth
शहापूर : तोंडात वहीच्या पानांचा बोळा कोंबून पित्याकडून मुलाची हत्या
kannada actor darshan arrested in murder case
कन्नड अभिनेता दर्शनला हत्येप्रकरणी अटक; बंगळूरु पोलिसांच्या कारवाईनंतर सहा दिवसांची पोलीस कोठडी
minor girl was sexually assaulted by forcing her to drink beer in Kalyan
कल्याणमध्ये अल्पवयीन मुलीला बिअर पाजून लैंगिक अत्याचार
sassoon peon accepted bribe in the premises of juvenile justice board
ससूनमधील शिपायाने बाल न्याय मंडळाच्या आवारात लाच स्वीकारली, सीसीटीव्ही चित्रीकरण पोलिसांच्या ताब्यात
pune accident
पोर्श अपघातानंतर क्लब मालकांना आली जाग, पुण्यातील उद्योजकाने सांगितली पब्समधील सद्यस्थिती
Controversial career of Dr. Ajay Tavare in Sassoon Hospital
ससूनमधील डॉ. अजय तावरेंची वादग्रस्त कारकिर्द; मूत्रपिंड रॅकेटपासून आमदाराच्या शिफारसपत्रापर्यंत…

हेही वाचा : मुंबईकरांनो, प्रवासात सोबत लॅपटॉप बाळगताय? मग कल्याण रेल्वे स्थानकाजवळ एका तरुणीसोबत घडलेली ही घटना वाचा!

दरम्यान, राम याचा मुलगा संजय हा त्याठिकाणी आला. त्याने घडलेला प्रकार राम याला विचारला. त्यानंतर संजय याने हातगाडीखाली ठेवलेला लोखंडी राॅड बाहेर काढला. त्यानंतर त्याने दोघांनाही जीवंत सोडणार नाही असे धमकावत तरूणाच्या मित्राच्या डोक्यात राॅड मारला. त्यावेळी तरूण मित्राच्या बचावासाठी गेला असता, त्याच्याही डोक्यात राॅड मारण्यात आला. पुन्हा संजय हा त्या तरूणांना राॅड मारत असताना त्याचा राॅड त्यांनी पकडला. त्यावेळी संजय याने तरूणाच्या हाताला चावा घेतला. या घटनेनंतर तरूणाने राम आणि संजय यांच्याविरोधात नारपोली पोलीस ठाण्यात तक्रार दाखल केली. या तक्रारीनंतर पोलिसांनी संजय आणि राम या दोघांना ताब्यात घेऊन अटक केली आहे.