ठाणे : राष्ट्रवादी पक्षातील फुटीनंतर आमदार जितेंद्र आव्हाड आणि आनंद परांजपे यांच्यात वाक् युद्ध सुरू असतानाच आता या वादात आव्हाड यांच्या भगिनींनी उडी घेऊन परांजपे यांच्यावर टीका केली आहे. आमचे नातेसंबंध कसे आहेत, हे आनंद परांजपे यांनी सांगण्याची गरज नाही. आम्ही नात्यांचे झेंडे घेऊन फिरत नाही आणि आमच्या घरात एक छोटं कुत्रं आहे ते ठराविक माणसांवर भुंकत, अशा शब्दात त्यांनी परांजपे यांना सुनावले आहे. तसेच परांजपे यांनी आपल्या औकातीत रहावे, असा इशारा देत आमचे घर सांभाळण्यास आम्ही सक्षम असल्याचे त्यांनी म्हटले आहे.

आनंद परांजपे यांनी सोमवारी सकाळी घेतलेल्या पत्रकार परिषद घेऊन आव्हाड यांच्यावर टीका केली होती. आव्हाडांनी घरातील नातेसंबंध सुदृढ करावे” असे विधान परांजपे यांनी केले होते. त्यांच्या या विधानाचा आव्हाड यांच्या भगिनी शुभांगी गर्जे आणि डाॅ. ज्योती आव्हाड यांनी चांगलाच समाचार घेतला. आम्हा भावंडांचे नातेसंबंध कसे आहेत, हे परांजपे यांनी सांगणे हास्यास्पदच आहे. आनंद परांजपे हे २४ तास आमच्या घरी चकरा मारायचे, हजेरी लावायचे. या हजेरी लावणाऱ्या माणसाला आमचे नाते दिसले नसेल. सुप्रिया सुळे आणि अजित पवार हा विषय वेगळा आहे. परांजपे हे आमच्या घरात गरज नसताना शिरले आहेत, असे शुभांगी गर्जे म्हणाल्या. आम्ही सामान्य कुटुंबातील आहोत. आम्ही सतत सोबतच असतो. पण, भावाच्या घरात बहिणीने सतत तळ ठोकून असावे, हे मराठी संस्कृतीमध्ये कुठेच नाही. आमचे नाते काय आहे, हे आम्हाला माहित आहे. आमच्या घरात शिरून आमचा काही संबध नसताना अशी विधाने जो माणूस करतो, त्याची मानसिकता काय आहे, हे वेगळं सांगायला नको. जी व्यक्ती आधी वडिलांच्या पुण्याईवर आणि नंतर डाॅ.जितेंद्र आव्हाड यांच्या आधारावर उभी राहिली आहे. त्या व्यक्तीवर फारसे बोलू नये. आमचे संस्कार आणि शिक्षण उच्च दर्जाचे आहे. तरीही, या ठिकाणी आपण आनंद परांजपे यांना सांगू इच्छिते की, आम्ही कुणाच्या वाटेला जात नाही. त्यामुळे त्यांनी आमच्या वाटेला जाऊ नये. त्यांनी आपल्या औकातीत रहावे, असा इशाराही त्यांनी दिला आहे.

Swati Maliwal Case
Swati Maliwal Case : “हा माझ्या मुलावर अन्याय आहे, तो गेली १५ वर्ष…”; बिभव कुमार यांच्या अटकेनंतर वडिलांची प्रतिक्रिया
uddhav thackeray narendra modi (1)
“…तर मी मोदींसाठी धावून जाईन”, पंतप्रधानांच्या हाकेला उद्धव ठाकरेंची साद? म्हणाले, “त्यांच्यासाठी…”
Piyush Goyal, north Mumbai lok sabha seat, BJP Stronghold, Piyush Goyal Challenges of Local Connect, Campaigning, bjp, Dahisar, Borivali, Kandivali, charkop, magathane,
मतदारसंघाचा आढावा – उत्तर मुंबई, पियूष गोयल यांच्यासमोर मोठे मताधिक्य टिकविण्याचे आव्हान
DCM Ajit Pawar On Dilip Walse Patil
विरोधकांच्या टीकेला प्रत्युत्तर देताना अजित पवारांचे मिश्किल वक्तव्य; म्हणाले, “त्यांची नार्को टेस्ट…”
DCM Ajit Pawar
आईवरून टीका झाल्यानंतर अजित पवारांचं प्रत्युत्तर; म्हणाले, “तुम्हाला एवढ्या मिरच्या झोंबल्या…”
thane lok sabha marathi news, naresh mhaske marathi news
नरेश म्हस्केंच्या मिरवणुकीकडे गणेश नाईक समर्थकांची पाठ
sharad pawar replied to narendra modi
नरेंद्र मोदींच्या ‘अतृप्त आत्मा’ टीकेवर शरद पवारांचे प्रत्युत्तर; म्हणाले, “त्यांचे म्हणणं खरं आहे, पण…”
Voter Sympathy, Voter Sympath gain crowd in public meeting, Chhagan Bhujbal, sharad pawar, Chhagan Bhujbal said Voter Sympathy will not win Election, nashik lok sabha seat, lok sabha 2024, elction campaign, mahayuti seat allocation,
सहानुभूतीमुळे शरद पवार यांच्या सभांना गर्दी – छगन भुजबळ यांचे मत

हेही वाचा : डोंबिवलीत पतंगीच्या मांजात अडकलेल्या कावळ्याची अग्निशमन जवानांकडून सुखरूप सुटका

आनंद परांजपे यांना जे बोलायचे ते बोलू द्या. पण, परांजपे जेव्हा आमच्याकडून गेले, तेव्हा आम्हाला आमच्या घरातील छोट्या कुत्र्याची आठवण आली. आमच्या घरातलं एक कुत्रं नेहमी ठराविक माणसांवरच भुंकायचा, तोच गेला, असे आम्हाला वाटले. यावरून आमच्या लक्षात येतेय की आम्ही काय सांभाळले , असे शुभांगी गर्जे म्हणाल्या. तर, आम्ही राजकारणाशी संबंधित नाहीत. आम्ही आमचा व्यवसायात व्यस्त आहोत. पण, ज्या माणसाला ज्या कुटुंबाने सन्मान दिला. तोच माणूस त्या कुटुंबावर अशी टीका करीत असेल तर त्याची किव येते, असे डाॅ. ज्योती आव्हाड यांनी सांगितले. दरम्यान, आनंद परांजपे यांनी जितेंद्र आव्हाड यांच्यावर टीका करण्याची सुपारी घेतली आहे. ज्या माणसाने अजित पवारांच्या प्रतिमेला चपलेने मारण्याचे आदेश दिले होते. तो माणूस काय असेल, हे न सांगितलेले बरे, असे महिला जिल्हाध्यक्षा सुजाताताई घाग म्हणाल्या.