वसई, विरारमध्ये आज, उद्या पाणी नाही

वसई-विरार शहराला सूर्या धरणातून पाणीपुरवठा होतो. काशिद कोपर येथे या योजनेच्या जलवाहिनीची गळती सुरू आहे. त्याच्या दुरुस्तीचे काम हाती घेण्यात आले आहे. त्यामुळे मंगळवार, १६ फेब्रुवारी आणि बुधवार, १७ फेब्रुवारी या दोन दिवशी शहरातला पाणीपुरवठा पूर्णपणे खंडित केला जाणार आहे. नागरिकांनी या काळात पाणी जपून वापरावे आणि पालिकेला सहकार्य करावे, असे आवाहन पालिकेने केले आहे.