22 January 2021

News Flash

सर्वात वेगवान पक्ष्यासोबत दुबईच्या राजपुत्राने लावली ‘रेस’, कोण जिंकलं? बघा व्हिडिओ

इंटरनेटवर तुफान व्हायरल होतोय व्हिडिओ

दुबईचे क्राऊन प्रिन्स, शेख हमदान बिन मोहम्मद बिन राशिद अल मकतूम हे सोशल मीडियावर बरेच सक्रीय असतात. आपले फोटो, व्हिडिओ ते सोशल मीडियावर नेहमी शेअर करत असतात. त्यांनी नुकताच एक नवीन व्हिडिओ शेअर केलाय. या व्हिडिओमध्ये त्यांनी सर्वात वेगवान धावणारा पक्षी म्हणून ओळखल्या जाणाऱ्या शहामृगासोबत शर्यत लावल्याचं दिसतंय.

व्हिडिओमध्ये क्राऊन प्रिन्स आपल्या मित्रांसोबत सायकलिंग करताना दिसत आहेत. पण काही सेकंदांनंतर व्हिडिओमध्ये एक शहामृग समांतर रस्त्यावर धावताना दिसतोय. त्याच्याकडे बघून क्राऊन प्रिन्स जोरजोरात सायकलचे पॅडल मारतात, काही सेकंदांसाठी ते शहामृगाच्या पुढेही जातात पण काही क्षणातच शहामृग त्यांना मागे टाकतो आणि रस्ता पार करुन दुसऱ्या बाजूला येतो. हा व्हिडिओ सध्या इंटरनेटवर प्रचंड व्हायरल होतोय. बघा व्हिडिओ :

 

View this post on Instagram

 

A post shared by Fazza (@faz3)


दरम्यान, काही महिन्यांपूर्वी क्राऊन प्रिन्स यांनी एका पक्ष्याच्या घरट्यासाठी आपली लग्जरी मर्सिडीज एसयूव्ही वापरणं बंद केलं होतं. त्या घरट्यात पक्षाने अंडे दिले होते. त्यामुळे, मकतूम यांनी घरटं न हटवता थेट ती एसयूव्हीच न वापरण्याचा निर्णय घेतला आणि ती गाडी एका बाजूला उभी केली. याशिवाय गाडीच्या जवळपास कोणी जाणार नाही याचीही खबरदारी त्यांनी घेतली. जोपर्यंत अंड्यांमधून पिल्लं बाहेर पडत नाहीत तोपर्यंत गाडी वापरणार नाही असं त्यांनी त्यावेळी एक व्हिडिओ जारी करुन सांगितलं होतं. पक्ष्याच्या अंड्यांसाठी घरटं न हटवता थेट ती एसयूव्हीच न वापरण्याचा निर्णय घेतल्यानंतर क्राऊन प्रिन्स मकतूम यांच्यावर नेटकऱ्यांकडून कौतुकाचा वर्षाव झाला होता.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 6, 2021 8:46 am

Web Title: dubais crown prince races on his cycle against fastest birds on land ostriches watch video sas 89
Next Stories
1 आयर्लंडच्या फेसबुक अधिकाऱ्यांनी वाचवला महाराष्ट्रातील तरुणाचा जीव, जाणून घ्या नेमकं काय घडलं?
2 पाकिस्तान : वर्षाच्या पहिल्याच दिवशी ‘या’ व्यक्तीला झाली अटक; कारण वाचून गोंधळून जाल
3 उत्तर प्रदेश : दोन वर्षापूर्वी चोरीला गेलेली Wagon R पोलीस अधिकाऱ्याकडेच सापडली; एका कॉलमुळे झाला भांडाफोड
Just Now!
X