आज दिवसभर ट्विटरवर एक हॅशटॅग ट्रेंडिंगला दिसत आहे. हा हॅशटॅग म्हणजे #jethalal. तारक मेहता का उल्टा चश्मा या लोकप्रिय मालिकेमधलं जेठालाल हे महत्त्वाचं पात्र साकारणारे अभिनेते दिलीप जोशी यांचा आज वाढदिवस असल्यानं हा हॅशटॅग ट्रेंडिंग आहे. या हॅशटॅगच्या माध्यमातून जेठालालचे चाहते त्यांना शुभेच्छा देत आहेत. शुभेच्छांसोबतच अनेक मीम्स प्रचंड व्हायरल होत आहेत.
दीर्घकाळ चालत असलेली हा मालिका अनेकांच्या आवडीची आहे. आपण ही मालिका बघतच मोठे झालो आहोत, अशी भावनाही अनेकजण व्यक्त करत आहेत. या मालिकेतलं जेठालाल हे पात्र साकारणाऱ्या दिलीप जोशींचेही लाखो चाहते आहेत. या चाहत्यांनी त्यांच्या वाढदिवसानिमित्त अनेक मीम्स करत हा हॅशटॅग ट्रेंड केला आहे. पाहूयात यापैकी काही मीम्स-


या मालिकेत हा जेठालाल एका इलेक्ट्रॉनिक वस्तूंच्या दुकानाचा मालक असतो. त्याची पत्नी दया, वडील चंपकलाल आणि मुलगा टप्पू यांच्या भोवती फिरणारी या मालिकेची कथा आहे. या कथेत इतरही अनेक पात्र आहेत. त्यांच्या सोसायटीमधले त्यांचे शेजारी, टप्पूचे मित्र..अशी बरीच पात्रं या मालिकेत आहेत. परिवारासोबत बसून बघता येणारी ही मालिका असल्याने ती बरीच लोकप्रिय झाली आहे.