Petrol Pump Accident Video : पेट्रोल पंपावर गाडीमध्ये पेट्रोल, डिझेल भरताना एक छोटीशी चूक तुमच्या जीवावर बेतू शकते. पेट्रोल पंपांवर बऱ्याचदा ज्वलनशील वस्तू पंपावर आणू नयेत, असा इशारा देणारे सूचना फलक लावलेले दिसतात. त्याशिवाय पेट्रोल भरताना कोणत्या प्रकारची काळजी घेतली पाहिजे याबाबत मार्गदर्शन करणारे फलकही काही वेळा पेट्रोल पंपांवर पाहायला मिळतात. मात्र, तरीही काही लोक निष्काळजीपणा करताना दिसतात. सध्या सोशल मीडियावर असाच एक व्हिडीओ व्हायरल होत आहे; ज्यात दोन तरुण बाईकमध्ये पेट्रोल भरून निघतानाच त्यांच्याकडून एक चूक होते, जी चूक एका तरुणाच्या जीवावर बेतते. व्हायरल व्हिडीओमध्ये तुम्ही पाहू शकता की, दोन तरुण बाईकवर बसून एका पेट्रोल पंपावर पेट्रोल भरताना दिसत आहेत. पेट्रोल भरून बाईक पुढे नेताच पेट्रोलचा पाईप बाईकमध्ये अडकून तुटतो. यावेळी मागे बसलेला तरुण बाईकवरून उतरून पाईप दूर करणार इतक्यात बाईक पेट घेते. आग लागताच मागे बसलेला तरुण तिथून पळून जातो आणि पुढे बसलेला तरुण आगीत होरपळून निघतो. व्हिडीओतील ही दृश्यं खूप भीतीदायक आहेत. https://twitter.com/pande15rohit/status/1631962974725476354?ref_src=twsrc%5Etfw%7Ctwcamp%5Etweetembed%7Ctwterm%5E1631962974725476354%7Ctwgr%5E61aa3f839b9c51c624843a98953c62cac5cd20e4%7Ctwcon%5Es1_&ref_url=https%3A%2F%2Fwww.abplive.com%2Ftrending%2Fa-bike-parked-at-a-petrol-pump-with-two-people-on-it-becomes-victim-of-a-horrific-accident-2659275 काही वेळाने आगीत होरपळलेला तरुण त्यातून पळत येताना दिसतोय. त्याच्या पाठीवर आग लागल्याचे दिसतेय. @pande15rohit नावाच्या एक्स अकाऊंटवरून हा व्हिडीओ शेअर करण्यात आला आहे; ज्यावर अनेकांनी प्रतिक्रिया दिल्या आहेत. एका युजरने लिहिले की… तो मरण पावला असेल बिचारा. आणखी एका युजरने लिहिले… देवाने असे मित्र कोणालाही देऊ नयेत. तर तिसऱ्या युजरने लिहिले की… देवाचे आभार मानतो की, तो वाचला.