scorecardresearch

Premium

थंडीपासून बचाव करण्यासाठी विचित्र जुगाड; चप्पल आणि सायकलच्या सीटमध्ये लावली आग, VIDEO पाहून थक्कच व्हाल

एका व्यक्तीने थंडीपासून स्वत:चा बचाव करण्यासाठी अनोखा जुगाड केला आहे; ज्याचा व्हिडीओ मोठ्या प्रमाणात व्हायरल होत आहे.

fire in the seat of a bicycle to protect against the cold
थंडीपासून बचाव करण्यासाठी विचित्र जुगाड. (Photo : Instagram)

आपल्या देशात जुगाडू लोकांची कमतरता नाही. सोशल मीडियावर दररोज आपणाला नवनवीन जुगाडाचे व्हिडीओ पाहायला मिळतात. त्यातील काही आपल्याला थक्क करतात; तर काही पोट धरून हसायला भाग पाडतात. सध्या अशाच एका व्यक्तीने थंडीपासून स्वत:चा बचाव करण्यासाठी जुगाड केला आहे; ज्याचा व्हिडीओ पाहून तुम्हाला धक्का बसेल यात शंका नाही. नोव्हेंबर महिन्याच्या अखेरीसच भारतात थंडीची चाहूल लागली होती. आता हळूहळू थंडी वाढत आहे. थंडीपासून बचाव करण्यासाठी अनेक लोक वेगवेगळ्या पद्धतींचा अवलंब करताना दिसत आहेत. काही जण स्वेटरद्वारे, तर कोणी टोपी घालून थंडीपासून बचाव करीत आहे; शिवाय काही काही लोक ठिकठिकाणी शेकोटीदेखील पेटवताना दिसत आहेत. पण, सध्या एका व्यक्तीने थंडीपासून स्वत:चा बचाव करण्यासाठी अनोखा जुगाड केला आहे; ज्याचा व्हिडीओ मोठ्या प्रमाणात व्हायरल होत आहे.

सायकल आणि चप्पलमध्ये लावली आग

kitchen jugaad stick bindi paper on gas cylinder
Kitchen jugaad: महिलांनो सिलिंडरखाली टिकलीचं पॅकेट नक्की ठेवा; मोठ्या समस्येवर उपाय, परिणाम पाहून डोळ्यांवर विश्वास बसणार नाही
maratha community marathi news, economically backward marathi news
मराठा समाजाला आर्थिकदृष्ट्या मागास म्हणता येणार नाही- उच्च न्यायालय
Eknath shinde devendra fadnavis 2
“शिवसेना भाजपाच्या दावणीला बांधलेली नाही”, लोकसभेच्या ‘त्या’ फॉर्म्युलावर शिंदे गट आक्रमक; म्हणाले, “आमच्याबरोबर दगाफटका…”
rohit pawar, baramati, lok sabha, supriya sule, sunetra pawar, ajit pawar, sharad pawar, maharashtra politics,
बारामतीत सुप्रिया सुळे विरुद्ध सुनेत्रा पवार नव्हे, ‘यांच्या’त होणार लढत, रोहित पवार यांचे मोठे विधान

सोशल मीडियावर व्हायरल होत असलेल्या या व्हिडीओमध्ये एका व्यक्तीने चप्पल आणि सायकलच्या सीटमध्ये पेटते लाकूड ठेवल्याचे दिसत आहे. खरे तर सायकल किंवा चपलेमध्ये कोणीही पेटते लाकूड ठेवू शकत नाही; परंतु थंडीपासून बचावासाठी या व्यक्तीने हा अनोखा जुगाड केला आहे. त्याने चप्पल आणि सायकलच्या सीटमध्ये लाकूड जळत राहावे यासाठी खास जागादेखील बनवली आहे. थंडीपासून बचाव करण्यासाठीचे हे अनोखे जुगाड पाहून अनेक जण आश्चर्यचकित झाले आहेत. शिवाय सध्या या जुगाडू चपलेचा आणि सायकलचा व्हिडिओ सोशल मीडियावर व्हायरल होत आहे.

हेही पाहा- शिळ्या भाकऱ्या खाऊन आनंदाने देशसेवा करतायत भारतीय जवान; हृदयस्पर्शी VIDEO पाहून त्यागाचे कौतुक कराल

हा व्हिडीओ इन्स्टाग्रामवर studentgyaan नावाच्या अकाउंटवरून शेअर करण्यात आला आहे; जो आतापर्यंत ५४ हजारांहून अधिक लोकांनी पाहिला आहे. अनेक जण त्यावर वेगवेगळ्या प्रतिक्रिया देत आहेत. एका युजरने लिहिलं, “भारतात वैज्ञानिकांची कमतरता नाही.” तर दुसर्‍या युजरने लिहिलं, “लोकांना काही कामे नाहीत म्हणून ते असले जुगाड करीत असतात.” तर काहींनी “हे धोकादायक ठरू शकतं”, असेही म्हटले आहे.

Latest Comment
View All Comments
Post Comment

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: A mans unique jugad slippers and a fire in the seat of a bicycle to protect against the cold video goes viral jap

First published on: 09-12-2023 at 13:37 IST

संबंधित बातम्या

तुम्ही या बातम्या वाचल्या आहेत का? ×