Viral Video : देशभरात दही हंडीचा उत्साह पाहायला मिळाला. सोशल मीडियावर दही हंडी फोडतानाचे अनेक व्हिडीओ व्हायरल होताना दिसत आहे. लहानांपासून मोठ्यांपर्यंत सर्वांचाच सहभाग व्हिडीओमध्ये दिसून येत आहे. सध्या असाच एक दही हंडी फोडतानाचा व्हिडीओ पाहून तुम्ही पोट धरुन हसाल.
या व्हायरल व्हिडीओमध्ये तुम्हाला दिसेल की एक तरुण दही हंडीच्या उत्सवात नारळाने दही हंडी फोडताना दिसत आहे पण खूप प्रयत्न करुनही त्याच्या हातून मडकं फुटेना. त्यानंतर आणखी एक तरुण पूर्ण ताकदीने नारळाने ही दही हंडी फोडण्याचा प्रयत्न करतो पण तो सुद्धा अयशस्वी ठरतो. अखेर नारळ फुटला पण मडकं नाही. हा मजेशीर व्हिडीओ पाहून तुम्हालाही हसू आवरणार नाही. नारळापेक्षा मजबूत हे मडकं बनवणाऱ्या कुंभाराला खरंच शोधून काढायला पाहिजे.
हा व्हिडीओ Mandar या ट्विटर अकाउंटवरुन शेअर करण्यात आला असून या व्हिडीओवर कॅप्शन लिहिलेय, “नारळ फुटला पण हंडी नाही, कुठलं पथक ही दहीहंडी फोडून दाखवेल?”
या व्हिडीओवर सोशल मीडियावर अनेक युजर्सनी मजेशीर प्रतिक्रिया दिल्या आहेत. एका युजरने लिहिलेय, “हे मडकं अंबुजा सिमेंटपासून बनवले आहे का?” तर एका युजरने लिहिलेय, “त्या कुंभाराला रोडचा कॉन्ट्रॅक्ट द्यायला पाहिजे” आणखी एका युजरने लिहिलेय, “बरं झालं डोक्याने फोडले नाही, नाही तर डोकं फुटलं असतं”
