एवढीशी मुंगी नेहमीच आपल्या वजनापेक्षाही दुप्पट वजन वाहून नेताना आपण अनेकदा पाहिलं असेल. सध्या सोशल मीडियावर एक मजेशीर व्हिडिओ व्हायरल होत आहे. या व्हिडिओमध्ये मुंगी चक्क हिरा ओढून नेताना दिसत आहे. एरव्ही अन्नाचे मोठे कण वाहून नेणाऱ्या मुंगीलाही हिऱ्याचा मोह झालेला पाहून अनेकांना आश्चर्य वाटलं नसेल तर नवल. न्यूयॉर्कमध्ये हा व्हिडिओ चित्रित करण्यात आला आहे. मुंगी ही तिच्या वजनाच्या २० पट अधिक वजन वाहून नेऊ शकते. हिरा पळवणारी मुंगी अशा कॅप्शनसहित हा व्हिडिओ सोशल मीडियावर व्हायरल आहे
