Emotional video of a delivery boy: सोशल मीडियावर दररोज लाखो व्हिडीओ व्हायरल होत असतात. त्यातले काही व्हिडीओ मजेशीर, तर काही व्हिडीओ काळजाचा ठोका चुकवतात. असे व्हिडीओ आपल्याला आयुष्यात खूप गोष्टी शिकवून जातात. आपल्याकडे नसलेल्या गोष्टींकडे पाहून रडत बसण्यापेक्षा असलेल्या गोष्टींमध्ये समाधान कसं मानायचं हे अशा व्हिडीओकडे बघून कळतं.
जबाबदारी माणसाला सगळं काही शिकवते, असं म्हणतात. त्यात गरिबी वाट्याला आली की, मेहनत आणि अथक परिश्रमांशिवाय कुठलाच पर्याय उरत नाही. आपली पोटाची खळगी भरण्यासाठी अनेक जण दररोज जीवाचं रान करतात आणि आपली भूक भागवतात; पण ज्या पोटासाठी कमवायचं, ते खायला वेळच नाही मिळाला तर. सध्या अशीच परिस्थिती एका डिलिव्हरी बॉयची झालीय; ज्याचा व्हिडीओ सोशल मीडियावर मोठ्या प्रमाणात व्हायरल होतोय.
हेही वाचा… धक्कादायक! पिसाळलेल्या बैलाचा आजोबांवर हल्ला; टोकदार शिंगांनी उडवलं अन्…, थरारक घटनेचा VIDEO VIRAL
व्हायरल व्हिडीओ
व्हायरल व्हिडीओत एक तरुण बाईक चालविताना दिसतोय. या तरुणानं पाठी भलंमोठं पार्सलचं ओझं घेतलेलं दिसतंय. त्यावरून हा तरुण डिलिव्हरी बॉय असल्याचं कळून येतंय. या व्हिडीओत तरुणानं सिग्नल लागला म्हणून गाडी थांबवली आहे. या दगदगीच्या आयुष्यात त्याला चार घास सुखाचे खायलादेखील मिळत नसल्याचं यातून कळतंय. सिग्नलला गाडी लावून तरुण पोटाची भूक भागविण्यासाठी त्या गाडीवरच तो आपलं अन्न खाऊ लागतो. खाता खाता त्याचं सिग्नलकडे लक्ष असतं. सिग्नल सुटेल तेव्हा गाडी काढायची म्हणून तो पटापट अन्न खाऊ लागतो.
https://www.instagram.com/reel/DBbOqW6hT4G/
हा व्हिडीओ @dpemotional या इन्स्टाग्राम अकाउंटवरून शेअर करण्यात आला असून लडका होना इतना आसान नही होता है जनाब, अशी कॅप्शन या व्हिडीओला देण्यात आली आहे. या व्हिडीओला तब्बल ८ मिलियन व्ह्युज आले आहेत.
युजर्सच्या प्रतिक्रिया
व्हायरल झालेला व्हिडीओ पाहून अनेकांनी भावूक होत, आपापल्या प्रतिक्रिया दिल्या आहेत. एका युजरने कमेंट करीत लिहिलं, “त्याला शांतपणे खाऊ द्या, कशाला त्याचा व्हिडीओ बनवताय.” तर दुसऱ्यानं “कोण म्हणतं की, मुलगा होणं सोप आहे.” अशी कमेंट केली. तिसऱ्यानं कमेंट करत लिहिलं, “जे लोक इतरांना वेळेवर अन्न पोहोचवतात, त्यांच्याकडेच अन्न खायला वेळ नाही”
दरम्यान, याआधीही डिलिव्हरी बॉयचे असे अनेक व्हिडीओ व्हायरल झाले आहेत, जे पाहून अनेकांचे डोळे पाणावले असतील. सध्या व्हायरल झालेला तरुणाचा हा व्हिडीओही चर्चेत आहे.
