Anand Mahindra’s Father’s Day : बाबा म्हणजे दिवस-रात्र कष्ट करणारं शरीर, भरपूर काळजी करणारं मन, स्वतःच्या इच्छा बाजूला ठेवून लेकरांसाठी झटणाऱ्या त्या प्रत्येक बाबांचा आज दिवस म्हणजे ‘फादर्स डे! ‘ आज अनेक जण बाबांसाठी कविता किंवा खास कॅप्शन लिहून, त्यांच्या नात्यातील गोडवा सांगत त्यांच्याबरोबर खास व्हिडीओ, फोटो शेअर करत आहेत; तर आज आनंद महिंद्रा यांनीसुद्धा त्यांच्या लहानपणीची एक आठवण शेअर केली आहे. आनंद महिंद्रा यांच्या बहिणीला त्यांच्या बाबांच्या कार्यालयात एक खास कागद मिळाला व हा कागद पाहून आनंद महिंद्रांच्या लहानपणीच्या आठवणींना उजाळा मिळाला.

आनंद महिंद्रा यांनी ‘फादर्स डे’निमित्त एक खास आठवण शेअर केली आहे. आनंद महिंद्रा जेव्हा आठ वर्षाचे होते, तेव्हा त्यांनी त्यांच्या वडिलांचे एक खास चित्र (डूडल) पांढऱ्या कागदावर काढले होते. आनंद महिंद्रा यांचे बाबा त्यांच्या कार्यालयातील खुर्चीवर बसलेले असतात आणि अगदीच गंभीर हावभाव देत असतात. पण, आनंद महिंद्रांनी हे हावभाव दुर्लक्ष करून, त्यांचे प्रेम लक्षात ठेवून, बाबा खुर्चीवर बसलेले आहेत असे वडिलांचे मौल्यवान चित्र (डूडल) तयार केलं आहे. आनंद महिंद्रा यांची बहीण जेव्हा बाबांच्या कार्यालयात गेली, तेव्हा तिच्या नजरेत ही मौल्यवान वस्तू सापडली. आनंद महिंद्रांनी बाबांचे काढलेले खास डूडल तुम्हीसुद्धा बघा…

IAS Pooja Khedkar Mother Manorama Khedkar Gun Video
Manorama Khedkar Video : “…म्हणून मनोरमा खेडकर यांनी पिस्तुल काढले”, पूजा खेडकरंच्या वडिलांनी सांगितले धक्कादायक कारण
Dilip Parbhavalkar While in Drama Patra-Patri
Dilip Prabhavalkar: दिलीप प्रभावळकर यांच्या मनात श्रीराम लागूंच्या पत्र आठवणींचा दरवळ, ‘पत्रापत्री’च्या प्रयोगांची चर्चा
Rajesh Shah Worli BMW hit-and-run case
Worli Hit And Run Case : राजेश शाहांना २४ तासांच्या आत दिलासा, १५ हजारांच्या तात्पुरत्या बाँडवर जामीन मंजूर
mp balyamama mhatre
लोणावळा: आई एकविराच्या विश्वस्तपदी खासदार बाळ्या मामा म्हात्रे यांची वर्णी; अजित पवारांच्या आमदाराने केली मदत
Akshata Murty trolled over her Rs 42,000 dress
अक्षता मूर्ती ४२ हजारांचा ड्रेस परिधान केल्याने ट्रोल, नेटकरी म्हणाले, “ऋषी सुनक निरोपाचं भाषण देताना…”
240 ganja plants worth 10 lakh seized near vita one arrested
विट्याजवळ १० लाखाची २४० गांजा झाडे जप्त, एकाला अटक
Clearance of encroachment recovery of premises rent from Vasant Gite Devyani Farandes demand
वसंत गिते यांच्याकडून अतिक्रमण हटविण्याचे, जागेचे भाडे वसूल करा; देवयानी फरांदे यांची मागणी
legendary bharatanatyam dancer c v chandrasekhar
व्यक्तिवेध : सी. व्ही. चंद्रशेखर

हेही वाचा…पाण्यात अडकलेल्या श्वानाला वाचवण्यासाठी तारेवरची कसरत; एकमेकांचा धरला हात अन्… VIDEO तून पाहा मानवी साखळीचे बळ

पोस्ट नक्की बघा…

तुम्ही पाहिलं असेल पोस्टमध्ये आनंद महिंद्रांनी लिहिलं की, ‘माझी बहीण अनुजा, माझ्या आई-वडिलांचे पेपर, अल्बम चाळून बहीण राधिका आणि माझ्यापर्यंत आठवणी म्हणून शेअर करत असते. मागील काही वर्षांपासून ती हे छान काम करते आहे. मी आठ वर्षांचा होतो तेव्हा माझ्या वडिलांचे हे डूडल मी काढलं होत. अनुजाने जेव्हा बाबांच्या कार्यालयाला भेट दिली, तेव्हा तिला हे डूडल सापडले. मी पोस्टमध्ये शेअर केलेला त्यांच्या डेस्कवरील फोटोत ते अगदीच गंभीर दिसण्याचा प्रयत्न करीत आहेत. पण, त्यांचा विनोद आणि खेळकरपणा माझ्या नेहमी लक्षात राहील. #FathersDay च्या शुभेच्छा बाबा. तुम्ही कुठेही असाल, खेळकर रहा’, अशी कॅप्शन त्यांनी या पोस्टला दिली आहे.

सोशल मीडियावर ही पोस्ट आनंद महिंद्रा यांच्या अधिकृत @anandmahindra या एक्स (ट्विटर) अकाउंटवरून शेअर करण्यात आली आहे. त्यांनी पोस्टमध्ये बाबांचे काढलेले डूडल आणि त्यांचा कार्यालयातील एक फोटो एडिट करून कॅप्शनसाहित पोस्ट केला आहे. आज ‘पितृदिन’ म्हणजेच ‘फादर्स डे’निमित्त त्यांच्या लहानपणीच्या आठवणी ताज्या केल्या आहेत आणि आपल्या वडिलांवर असलेलं त्यांचं प्रेम काही शब्दात कॅप्शनमध्ये मांडलं आहे. या पोस्टने सोशल मीडियावर अनेकांचं लक्ष वेधून घेतलं आहे. अनेक युजर्सनी ही पोस्ट पाहून आपला आनंद व्यक्त केला आणि आनंद महिंद्रा यांना ‘फादर्स डे’च्या शुभेच्छा पाठवल्या आहेत.