Ayodhya Ram Mandir : अयोध्येतील प्रभू श्रीरामासाठी बनवलाय ११०० किलोचा दिवा, पाहा व्हायरल फोटो

१०० हून अधिक वर्षे ज्या राम मंदिरासाठी देशात वाद सुरू होता, तो आता संपुष्टात आला असून राम मंदिराच्या उद्घाटनाने एक नवी सुरुवात दिसून येईल. या उद्घाटनासाठी अनेक जण उत्सूक आहेत. अनेक लोक त्या दिवशी अयोद्धेत आणि आपआपल्या घरी दिवे लावून दिवाळी साजरी करणार आहे. देशभरात अनेक ठिकाणी त्या दिवशी जल्लोष साजरा केला जाणार आहे. रामभक्त अनेक प्रकारे हा दिवस साजरा करताना दिसून येणार आहे. अशातच वडोदराचे रामभक्त अरविंदभाई पटेल यांनी रामललासाठी ११०० किलोचा दिवा बनवला आहे.

हा दिवा राम मंदिरात ठेवला जाणार आहे. याबाबत मंजूरी मिळताच हा दिवा अयोद्धेत आणला जाईल. यापूर्वी प्रभू श्रीरामासाठी १०८ फुटांची अगरबत्ती बनवली आहे. याबाबत अरविंदभाई पटेल यांनी ऐकले होते तेव्हा त्यांच्या डोक्यात भव्य दिवा बनवण्याचा विचार आला आणि त्यांनी तब्बल ११००० किलोचा दिवा बनवला आहे. ५०१ किलोचे तूप टाकून हा दिवा प्रज्वलित केला जाणार आहे.

हेही वाचा : Ayodhya Ram Mandir : राम मंदिराच्या प्रवेशद्वाराजवळ गज, सिंह, हनुमान आणि गरुडाच्या मुर्तीची स्थापना; मंदिर ट्रस्टनी शेअर केले फोटो

kulinmistry या एक्स अकाउंटवरुन या दिव्याचे फोटो शेअर केले आहेत. या फोटोच्या कॅप्शनमध्ये लिहिलेय, “भारतात बनविलेला अयोद्धेतील राम मंदिरासाठी सर्वात मोठा दिवा, ११०० किलोचा दिवा ज्यामध्ये ५०१ किलोचे तूप टाकले जाईल. हा दिवा अरविंदभाई पटेल यांनी बनवला आहे.” फोटोमध्ये दाखवल्याप्रमाणे, हा दिवा अत्यंत आकर्षक आणि मनमोहक दिसत आहे. सध्या या दिव्याची सगळीकडे चर्चा सुरू आहे.