हौसेला मोल नाही! ६० हजारांच्या स्कूटरसाठी चक्क १८ लाखांची नंबर प्लेट

आज तक ने दिलेल्या वृत्तानुसार हिमाचल प्रदेशातील राहुल पॅम प्रायव्हेट लिमिटेड कंपनीने एक स्कुटी घेतली. या स्कुटीसाठी या कंपनीला एक खास व्हिआयपी नंबर हवा होता. यासाठी कंपनीने व्हिआयपी नंबर्ससाठी होणाऱ्या ऑनलाइन लिलावात भाग घेतला. फक्त भागच घेतला नाही तर दुचाकीच्या नंबरसाठी सर्वात जास्त बोली लावत १८ लाखांना हा नंबर विकत घेतला. मागच्या शनिवारी हा लिलाव सुरु झाला, जो या शुक्रवारी संपला.

राहुल पॅम या कंपनीने १८ लाख २२ हजार ५०० रुपये मोजून व्हिआयपी नंबर घेतला. आता ही रक्कम कंपनीला तीन दिवसांच्या आता एसडीएम कार्यालयात भरायची आहे ज्यानंतर हा व्हिआयपी नंबर त्यांच्या स्कुटीला लावता येणार आहे. काही लोकांनी या व्हिआयपी नंबरसाठी १० ते १५ लाखांचीही बोली लावली होती. राज्य सरकारतर्फे व्हिआयपी नंबरसाठी गेल्या आठवड्यात कितीही मोठी बोली लावण्याची सूट देण्यात आली होती.