Video:’बिकिनी गर्ल’चा नादच खुळा! ३८० फूट खोल व्हिक्टोरिया धबधब्याच्या टोकावर केली स्टंंटबाजी अन् घडलं….

विनाशकाले विपरीत बुध्दी सुचली अन् तरुणी थेट गेली व्हिक्टोरिया धबधब्यावर

हा थरारक व्हिडीओ @weirdterrifying नावाच्या युजरने ट्विटरवर शेअर केला आहे. व्हिडीओ इंटरनेटवर प्रचंड गाजला असून तब्बल १९ मिलियन व्यूज या व्हिडीओला मिळाले आहेत. हा व्हिडीओ पोस्ट केल्यानंतर युजरने कॅप्शनमध्ये म्हटलंय, “३८० फूट खोल धबधब्याच्या जवळ गेल्याचा अनुभव घेतला. डेविल्स पूल- व्हिक्टोरिया फॉल्स.” व्हिडीओ पाहिल्यानंतर नेटकऱ्यांनी भन्नाट प्रतिक्रियांचा वर्षावही केला आहे. एका नेटकऱ्याने प्रतिक्रिया देताना या व्हिडीओवर प्रश्नचिन्ह उपस्थित केला आहे. तो म्हणाला, कॅमेरात तरुणीच्या पायाचा भाग शूट करण्यात आला नाही. “तिच्या पायाला दोर बांधलेला असण्याची शक्यता आहे.” दुसऱ्या एका नेटकऱ्याने म्हटलं, “फोटो काढण्यासाठी धबधब्याच्या उंचावर गेल्यावर काही जणांचा पाय घसरून मृत्यू झाल्याच्या घटना घडल्यात.” “मला हा थरारक व्हिडीओ पाहताना खूप भीती वाटली”, असं अन्य एका नेटकऱ्यानं म्हटलं आहे.

नक्की वाचा – Video: सुसाट स्पोर्ट्स बाईक चालवणाऱ्या तरुणीने हायवेवर तरुणाला दिली धडक, रायडिंगचा थरार होतोय व्हायरल

इथे पाहा व्हिडीओ

धबधब्यावर जाऊन रील्स बनवून इंटरनेटवर प्रसिद्धी मिळवण्यासाठी काही जण जीव धोक्यात टाकतात. सेल्फी काढताना पाय घसरून खोल दरीत पडून काही लोकांचा मृत्यू झाल्याच्या घटनाही समोर आल्या आहेत. या तरुणीनंही शेकडो फूट उंचीवर असेलेल्या व्हिक्टोरिया धबधब्यावर जाऊन जीवघेणा स्टंट करण्याचा नाद केलाय. पण असे धोकायदायक स्टंट अनेकदा अशा माणसांच्या जीवावर बेततात. पण या तरुणीला स्टंटबाजी करताना जराही भीती वाटली नाही, असंच हा व्हिडीओ पाहिल्यानंतर म्हणता येईल. हा थरारक व्हिडीओ पाहिल्यानंतर नेटकऱ्यांनीही खतरनाक स्टंटबाजी करण्याच्या कृत्याला प्रतिक्रियांच्या माध्यमातून विरोध दर्शवला आहे.