scorecardresearch

Premium

१०० कच्च्या अंड्यांचा बल्क पिऊन पठ्ठ्याने केला आनंद साजरा; व्हिडीओ होतोय व्हायरल, पाहा…

या इन्फ्ल्युएन्सरचे १०० हजार फॉलोवर्स झाले म्हणून त्याने चक्क फोडलेली १०० कच्ची अंडी पिऊन आनंद साजरा केला असून त्यावर नेटकऱ्यांच्या काय प्रतिक्रिया आहेत ते पाहा.

YouTuber drinks 100 raw eggs
युट्युबरने १०० कच्च्या अंड्यांचा बल्क प्यायल्याचा व्हिडिओ होत आहे व्हायरल. [photo credit – इन्स्टाग्राम]

जी लोकं नियमित व्यायाम करतात, जिमला जातात, ते सगळे अंडं हे शरीरासाठी किती पोषक असतं आणि त्याचे किती फायदे असतात हे सतत सांगत असतात. व्यायाम करणारी प्रत्येक व्यक्ती आपल्या आहारात शिजवलेल्या अंड्याचा समावेश करत असते, तर काही जणं कच्ची अंडी खाणंदेखील पसंत करतात. पण, अंडी खायची म्हणून कितीही खाऊन चालत नाही. शरीराला आवश्यक असणारे पोषण मिळवून देण्यासाठी दिवसात किती अंडी खायची, याचं एक प्रमाण व्यायाम करणाऱ्या व्यक्तीकडे असते. पण, सध्या व्हायरल होणाऱ्या एका व्हिडीओमध्ये एका इन्फ्लुएन्सरने १० नाही, २० नाही; तर चक्क १०० कच्ची अंडी गटागट प्यायल्याचे आपल्याला बघायला मिळते. विन्स आयनॉन [@vince iannone] नावाच्या एका युट्युबर आणि फिटनेस उत्साही मनुष्याने, त्याचे १००K फॉलोवर्स पूर्ण झाल्याचा आनंद साजरा करण्यासाठी हा प्रकार केला आहे.

या व्हिडीओमध्ये विन्स आयनॉन जिममध्ये १०० अंडी फोडून, त्या कच्च्या अंड्याच्या बल्कचा जग घेऊन उभा असल्याचे दिसत असून, तो हे काय आणि का करत आहे हे सांगतो आहे. त्याचं बोलून झाल्यानंतर १०० कच्च्या अंड्याच्या बल्कने भरलेला तो जग आपल्या ओठांना लावून गटागट पिण्यास सुरुवात केली. जग अर्धा रिकामा झाल्यानंतर त्याने काही सेकंद थांबून पुन्हा पिण्यास सुरुवात केली. तो संपूर्ण जग जवळपास संपत असतानाच, विन्स प्यायलेल्या अंड्यांचा बल्क बाहेर काढतोय की काय, असे वाटत असतानाच त्याने त्या फोडलेल्या १०० कच्च्या अंड्यांच्या बल्कचा जग संपवला.

मुंबई : रस्ते फर्निचर कामासाठी नव्याने निविदा प्रक्रिया?लोकायुक्तांकडे सुनावणी सुरू असताना २११ कोटींचा नवा प्रस्ताव
women murdered in Kenya
विश्लेषण : केनियात महिलांच्या इतक्या प्रमाणात हत्या का होताहेत? काय आहे ‘डार्क व्हॅलेंटाइन’ चळवळ?
a 45-year-old cyclist Anil Kadsur dies of heart attack
प्रसिद्ध सायकलपटूचे वयाच्या ४५ व्या वर्षी हृदयविकाराच्या झटक्याने निधन; तीव्र प्रकारच्या व्यायामाचा हृदयावर कसा परिणाम होतो?
do Vyaghrasana know its health benefits
Vyaghrasana Yoga : तासन् तास बसून काम करत असल्यामुळे पाठदुखी व कंबरदुखीचा त्रास वाढलाय? मग व्याघ्रासन योगा करा

हेही वाचा : जोडप्याने पैसे परत मिळावे म्हणून चक्क अन्नात आपलेच केस घातले! रेस्टॉरंटने शेअर केलेला हा व्हायरल Video पाहा.

या व्हिडीओमध्ये त्याने एकदा अंड्यांचा बल्क पितापिता मध्येच तो जग बाजूला ठेवून, तीन-चार पुशअप केले आणि पुन्हा एकदा जग उचलून पिण्यास सुरुवात केली. विन्स आयनॉन याने आपल्या इन्स्टाग्राम या सोशल मीडियावरील, @Vince_aesthetic नावाच्या हँडलवरून हा व्हिडीओ, “१०० अंडी थेट बायसेपपर्यंत जातील” अश्या कॅप्शनसह शेअर केला असून, या व्हायरल व्हिडीओला दोन मिलियन्स इतके व्ह्यूज मिळाले आहेत.

पण, व्हिडीओ जरी व्हायरल झाला असला तरीही यावर नेटकरी मात्र फारसे खुश दिसत नाहीयेत, असे त्या व्हिडीओवरील प्रतिक्रियांवरून दिसते.

या व्हिडीओवर आलेल्या काही प्रतिक्रिया पाहा :

“व्हिडीओ पूर्ण होताच याने बाथरूमकडे धूम ठोकली असेल”, अशी एकाने कमेंट केली. तर दुसऱ्याने, “हा भाऊ स्वतःच्याच हाताने स्वतःच्या जीवाशी खेळतोय”, अशी काळजी व्यक्त केली. तिसऱ्याने हा व्हिडीओ किती खरा आहे याबद्दल प्रश्न केला. “या व्हिडीओनंतर लगेच त्याने प्यायलेले सर्व बाहेर काढले असणार.” तर चौथ्याने “आजकाल लोकं काहीही मूर्खासारखं करायला लागले आहेत. आपलं शरीर एका वेळेला केवळ ३० ते ४० ग्रॅम इतकंच प्रोटीन पचवू शकतं”, अशी कमेंट केली आहे. तर शेवटी पाचव्याने, “मला टॉयलेटसाठी फार वाईट वाटत आहे”, अशी मिश्कील प्रतिक्रियादेखील दिलेली आहे.

Latest Comment
View All Comments
Post Comment

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Bizarre act of a fitness enthusiast youtuber drinks 100 raw eggs in this viral video dha

First published on: 18-11-2023 at 20:21 IST

संबंधित बातम्या

तुम्ही या बातम्या वाचल्या आहेत का? ×