मास्क न घालता याल, तर बसेल ‘दणका’! उद्योगपती हर्ष गोएंकांना नियम मोडणाऱ्यांसाठी हवीये ‘अशी’ मशीन!

कसं काम करतं हे मशीन?

११ सेकंदाच्या या व्हायरल व्हिडीओमध्ये स्पष्टपणे दिसत आहे की जो नियमांचं पालन करत मास्क घालून आलेला आहे त्याला मशिनकडून अटकाव केला जात नाहीये. तर कोणी विना मास्क येत असेल तर त्याला मात्र मास्क घातल्याशिवाय हे मशीन पुढे जाऊ देत नाहीये. आतापर्यंत १९ हजाराहून अधिक नेटिझन्सनी हा व्हिडीओ पाहात आणि काहींनी रीपोस्ट करत या भन्नाट कल्पनेच्या व्हिडीओला लाईक केलं आहे.

Would suggest these be installed on every crossing…@shaktichauhan pic.twitter.com/9BGFMd7ObT

— Harsh Goenka (@hvgoenka) June 21, 2021

व्हायरल व्हिडीओवर भन्नाट कमेंट्सचा पाऊस!

या व्हिडिओ खालच्या कमेंट्समध्ये काहींनी ‘भारतात अशा मशीन प्रत्येक प्रवेशद्वारावर लावायला पाहिजेत’ असं म्हटलं तर काहींनी ‘राजकीय रॅलीच्या दरम्यानही अशा मशीन वापरल्या पाहिजेत’, ‘खासकरून या मशीन संसदेत लावल्या पाहिजेत’ अशी कमेंट केली. परंतु अनेक नेटकऱ्यांच्या मते ‘हे मशीन भारतात टिकणार नाही’, ‘मशीन थकून जाईल पण लोक मास्क घालणार नाहीत’, ‘ही जास्त कठोर शिक्षा आहे’ अशी मतंही कमेंट्सच्या माध्यमातून व्यक्त केली. काही क्रिएटिव्ह नेटिझन्सनी सिनेमातल्या मजेशीर सीनच्या आणि डॉयलॉग मदतीने जीफ्स बनवून त्या माध्यमातूनसुद्धा टिप्पणी करत व्हिडीओला पसंती दर्शवली आहे.