एकीकडे देशांत गोहत्येवरुन राजकिय वातावरण तापले आहे. गोहत्या आणि गोमांस खाल्ले म्हणून मारहाण करण्याच्या अनेक घटना समोर आल्या आहेत तर दुसरीकडे गायीच्या तस्करीची क्रुरता दाखवणारा भयानक व्हिडिओ इंटरनेटवर व्हायरल झाला आहे.  हा व्हिडिओ बांगलादेश सीमेवरचा असल्याचे समजते. गोमांसाला बांगलादेशातील बाजारात मोठी मागणी असल्यामुळे शेजारच्या देशातून किंवा भारतातून मोठ्या प्रमाणात अवैधरित्या गायीची तस्करी बांगलादेशात केली जाते. अनेकदा हा प्रकार उजेडात आला आहे पण अद्यापही या तस्करीवर फारशी कडक कारावाई झाली नसल्याचे दिसते.
या व्हिडिओमध्ये काही तस्कर हे सीमेवर लावण्यात आलेल्या कुंपणापलिकडे उभे आहेत. गायींना क्रेनने बांधून त्यांना कुंपणापलीकडे अत्यंत आमानुषणे नेले जात आहे. काही मिनिटांत तस्कर कुंपणापलिकडून क्रेनचा वापर करत गायींना पळवून नेत असल्याचे या व्हिडिओमध्ये दिसत आहे. हा व्हिडिओ भारत बांगलादेश सिमेवरचा असल्याचे समजेत आहे. काही दिवसांपूर्वी बांगलादेशमधल्या काही वृत्त वाहिन्यांनी देखील हा व्हिडिओ दाखवून गायीच्या तस्करीचे भयानक वास्तव समोर आणले. अशा प्रकारचे अनेक व्हिडिओ युट्युबवर आहे. त्यामुळे गायीच्या तस्करीवर रोख लावण्याची मागणी केली जात आहे.