Viral : हे चिनी जोडपे फक्त फोटो काढण्यासाठी भारतात आले

खरंतर दोघांना हिंदी समजत नव्हते, ना इंग्रजी बोलता येत होतं. पण तरीही दोघांनी भारत गाठलं. लिंगने याआधी सोशल मीडियावर भारतीय जोडप्यांचे फोटो पाहिले होते. ताजमहाल, राजस्थानमधील किल्ले, समुद्र किनाऱ्यावर काढलेले फोटोला लिंगला एवढे आवडले की आपणही भारतीय पद्धतीचा पेहराव करून फोटो काढण्याचा हट्ट तिने धरला, मग काय दोघांनीही थेट भारत गाठला. इथल्या एका छायाचित्रकाराकडून त्यांनी आपले खास फोटोशूट करून घेतले. पण फोटो काढून घेणं त्यांच्यासाठी आणि छायाचित्रकारासाठी सोप्पी गोष्ट मुळीच नव्हती. कारण छायाचित्रकारांना चिनी भाषा येत नव्हती आणि या जोडप्यांना इंग्रजी येत नव्हती. तेव्हा त्यांना काय सांगायचं हेच कळतं नव्हतं. बरं सूचना करायची तरी कोणत्या भाषेत तेही समजतं नव्हतं. पण तरीही या जोडप्यांचे फोटो खूप सुंदर आले. दिल्लीची हातरिक्षा असो की राजस्थानचा किल्ला किंवा चिखलाने माखलेला रस्ता असो या प्रत्येक ठिकाणी भेट देत या दोघांनी भारतात आपले फोटो काढण्याची हौस पूर्ण करून घेतली. तेही भारतीय पद्धतीचा पारंपरिक पेहराव घालून हे विशेष. या दोघांचे फोटो सोशल मीडियावर व्हायरल होत आहेत आणि अनेकांना ते आवडतही आहेत.