पाणीपुरी हा आपल्या देशातील बहुतांश लोकांचा वीकपॉईंट असतो. पाणीपुरीचे चाहते कधीही कुठेही आणि कितीही पाणीपुरी खायला तयार असतात. उत्तरेकडे या पदार्थाला गोलगप्पे म्हणून ओळखले जाते. ही पाणीपुरी चक्क एका कुत्र्याला आवडते आहे. यासंदर्भातला एक व्हिडिओच व्हायरल झाला आहे.कुत्र्यांच्या विविध करामती आपण अनेकदा पाहतो. आता पाळीव कुत्र्याला सांभाळायचे म्हणजे त्याची काळजी घेणे आले. मग खाण्यापिण्याकडे लक्ष देणे हे एक कामच असते. त्याच्या आवडी निवडीही जपाव्या लागतात. सोशल मीडियावर पाणी पुरी खाणाऱ्या कुत्र्याचा व्हिडिओ व्हायरल होतो आहे. या व्हिडिओत कुत्रा पाणीपुरी खात असल्याचे दिसत आहे. १ मिनिटांहून जास्त वेळाचा असलेला हा व्हिडिओ एक महिला कुत्र्याला पाणीपुरी भरवतानाचा आहे. हा कुत्राही व्हिडिओमध्ये अतिशय आवडीने पाणीपुरी खाताना दिसत आहे. रस्त्यावरील एका पाणीपुरीच्या गाडीवर हा कुत्रा आवडीने पाणीपुरी खातो आहे. यामध्ये असलेल्या दोन महिलांपैकी एक जण या कुत्र्याला अतिशय प्रेमाने पाणीपुरी भरवत आहे. याआधी काही दिवसांपूर्वी असाच एक व्हिडिओ व्हायरल झाला होता ज्या व्हिडित गाय आणि तिचे वासरू पाणीपुरी खाताना दिसत होते. त्यामुळे प्राण्यांनाही माणसांच्या आवडीचे पदार्थ आवडू शकतात असे म्हटल्यास वावगे ठरणार नाही.
