“क्या मगरमच्छ बनेगा रे तू!” कुत्र्याला पाहून मगरीने ठोकली धूम, पळत जाऊन तळ्यात मारली उडी! पाहा Viral Video

नतालिया रोजासने (natalia_rojas_art) नावाच्या इंस्टाग्रामवर हा मजेशीर व्हिडीओ पोस्ट करण्यात आला आहे. व्हिडीओ लाखो लोकांनी पाहिला आहे. या घटनेचा खरा हिरो महिलेचा पाळीव कुत्रा पिंटो ठरला आहे. व्हिडीओमध्ये दिसते की, एका महिला काचेच्या दाराशेजारी उभी बाहेर राहून डोकावते आहे. दाराच्या बाहेर अंगणामध्ये एक मगर दिसत आहे. मगरीला पाहून घरातील सदस्य चिंतेत आहेत. तेवढ्यात महिलेचा पाळीव कुत्रा दारासमोर उभा राहतो आणि मगरीला पाहून जोरजोरत भुंकतो. कुत्र्याचे भुंकणे ऐकून मगर घाबरते आणि तेथून धुम ठोकते. अंगणातून पळत जाऊन मगर थेट घरासमोरील तळ्यामध्ये उडी मारताना दिसत आहे. मगरीचा सामना करावा लागणे हा भितीदायक अनुभव आहे. सुदैवाना काचेच्या दारामुळे मगर घरात प्रवेश करू शकली नाही. पण ज्या पद्धतीने ही मगर कुत्र्याला पाहून पळून जाते ते पाहून नेटकऱ्यांना हसू आवरत नाही.

दरम्यान, व्हिडिओ व्हायरल झाल्याने नेटकऱ्यांनी अनेक प्रश्न उपस्थित केले. काहींनी घराबाहेर मगर आल्याबद्दल चिंता व्यक्ती केली. एकाने लिहिले की, “तुमच्या घरासमोरील तलावात अशा मगर राहत असतील तर तुम्ही तुमच्या कुत्र्याचा जीव धोक्यात घालत आहात!” आणि “तुम्ही अशा तलावाशेजारी असलेल्या घरात का राहात आहात?”

लोकांच्या प्रतिक्रिया पाहून नतालियाने सांगितले की,: “लोकहो, शांत व्हा! आम्हाला आता माहित आहे की आम्हाला लवकरात लवकर कुंपण लावणे आवश्यक आहे परंतु एका रात्रीत उभारता येत नाही. कुंपण कंपनीला साहित्य मिळवून ते बांधण्यासाठी काही आठवडे लागतील. पिंटोला कधीही एकटे सोडले जात नाही.”

पिंटोला त्याच्या शौर्याबद्दल खूप प्रेम कौतूक केले जात आहे “त्या कुत्र्याला सर्व उपचार द्या.”

तर काही लोकांनी कुत्र्याला पाहून धुम ठोकणाऱ्या मगरीला ट्रोल केले आहे. एकाने लिहिले की, “क्या मगरमच्छ बनेगा रे तू” (मगरीच्या नावावर कलंक आहे तू)