Viral Video : अग्गं बाई! ही तिथे कशी पोहोचली?

बकरीला तुम्ही जमिनीपासून २० फूट उंच हवेत लटकताना पाहिलं का? नाही ना? मग हा व्हिडिओ पाहा! एक बकरी चक्क टेलिफोनच्या तारांवर लटकत होती आणि तिला वाचवण्यासाठी लोक प्रयत्न करत होते. अनेकदा बकऱ्या चाऱ्यासाठी झाडांवर चढताना तुम्ही पाहिलं असेल. चाऱ्यासाठी बकऱ्या आपला जीवही धोक्यात घालतात. पण त्याकाही फार उंचावर चढत नाही. पण ग्रीसमधलं हे दृश्य मात्र अनेकांना बुचकळ्यात पाडणारं होतं. या बकरीची शिंग तारांत अडकली होती. त्यामुळे तिला काहीच करता येईना. जेव्हा रस्त्यावरुन जाणाऱ्या काही लोकांनी हे दृश्य पाहून तेही चक्रावून गेले. ती तिथे पोहोचली कशी? याचं कोडं काही कोणाला सोडवता आलं नाही. अखेर काही लोक शिडीच्या साहाय्याने वर चढले आणि तिच्या पायाला दोरी बांधून तिला खाली उतरवले. हा व्हिडिओ जरी जुना असला तरी सोशल मीडियावर व्हायरल होत आहे.

सावधान! व्हॉट्सअॅपवर येणाऱ्या ‘या’ मेसेजला उत्तर देऊ नका