Video : शिक्षकाने शिकवली ‘ऑन, इन’चा वापर करण्याची सोपी युक्ती …

सोशल मीडियावरील हा व्हिडीओ एका शाळेतील आहे. आणि शिक्षक फळ्यावर लिहून मुलांना शिकवताना दिसत आहे. शिक्षक मुलांना ऑन (on), ॲट (at), इन (in) ही संकल्पना समजून घेण्यासाठी सोपी पद्धत दाखवत आहे. व्हिडीओत तुम्ही बघू शकता की, सुरुवातीला शिक्षकाने फळ्यावर ऑन, ॲट, इन यांचा वापर केव्हा करायचा हे लिहून ठेवलं आहे जसे की, दिवस आणि तारीख असेल, तेव्हा ऑन (on)चा वापर करायचा. घड्याळातील एखादी वेळ असेल, तर ॲट (at)चा वापर करायचा आणि एखादा ऋतू, महिना वा वर्ष असेल तर इन (in)चा वापर करायचा. त्यानंतर फळ्यावर तुम्ही बघू शकता की, सुरुवातीला काही शब्दांसमोर रिकामी जागा ठेवून सलग एकाखाली एक; हिवाळा ऋतू, रविवार, घड्याळातील ६:०० ही वेळ, सप्टेंबर महिना, साल २०२१ आणि २६ जानेवारी हे सर्व फळ्यावर लिहून ठेवलेलं आहे.

हेही वाचा… रक्षाबंधनला पैसे वाचवण्यासाठी भावाचा अनोखा जुगाड; व्हायरल फोटो पाहून नेटकरी म्हणतायत, “जबरदस्त आयडीया…”

व्हिडीओ नक्की बघा :-

कसा करावा ऑन (on), ॲट (at), इन (in) यांचा वापर?

शिक्षक एकेक करून ऑन (on), ॲट (at), इन (in) यांचा वापर कुठे करायचा हे सांगताना दिसून येत आहे. जसं वर शिक्षकानं सांगितलं, त्याच पद्धतीनं एखादा ऋतू, महिना किंवा वर्ष असेल तर तिथे इन लिहायचं; म्हणून हिवाळा या ऋतूसमोर, २०२१ या वर्षासमोर व सप्टेंबर महिन्यासमोर इन लिहिलेलं तुम्हाला दिसून येईल. त्यानंतर आठवड्यातील एखादा दिवस किंवा तारीख असेल, तर त्याच्यासमोर ऑन लिहायचं; म्हणून रविवार व २६ जानेवारी या तारखेसमोर तुम्हाला ऑन लिहिलेलं दिसून येईल. तसेच घड्याळातील एखादी वेळ लिहायची असेल, तर ॲट लिहायचं; त्यामुळे तिथे ६ या वेळेसमोर ॲट लिहिण्यात आलं आहे. त्यामुळे एकदा बघाच शिक्षकानं सांगितलेली ही सोपी पद्धत.

सोशल मीडियावरील हा व्हिडीओ @bansal2412 या अकाउंटवरून शेअर करण्यात आला आहे; जो अनेकांना On, At व In चा वापर कुठे करायचा हे समजून घेण्यासाठी उपयोगी पडू शकतो. हा व्हिडीओ पाहून विद्यार्थ्यांचे पालक कमेंट करताना दिसत आहेत. एक जण म्हणत आहे की, माझ्या मुलांना शिकवण्यासाठी ही सोपी पद्धत नक्की वापरून बघेन. तर एक जण म्हणत आहे की, तुम्ही ही संकल्पना दाखवून पालकांचं काम सोपं केलं आहे.