scorecardresearch

Independence Day: “कोणत्याही लेक्चरपेक्षा हे दोघे…”; आनंद महिंद्रांनी पोस्ट केलेला हा फोटो कॅप्शनमुळे १२ हजार जणांनी केला शेअर

आनंद महिंद्रा यांनी या फोटोच्या माध्यमातून अतिशय सुंदर संदेश दिला आहे.

Independence Day: “कोणत्याही लेक्चरपेक्षा हे दोघे…”; आनंद महिंद्रांनी पोस्ट केलेला हा फोटो कॅप्शनमुळे १२ हजार जणांनी केला शेअर
आनंद महिंद्रा यांनी या फोटोच्या माध्यमातून अतिशय सुंदर संदेश दिला आहे. (ट्वीटर/आनंद महिंद्रा )

आज १५ ऑगस्ट २०२२ रोजी भारत स्वतंत्र होऊन तब्बल ७५ वर्ष पूर्ण झाली आहेत. यामुळे यंदाचा स्वातंत्र्य दिन प्रत्येक भारतीयासाठी खास आहे. यानिमित्ताने स्वातंत्र्याचा अमृत महोत्सव अंतर्गत अनेक कार्यक्रमाचे आयोजन करण्यात आले आहे. याचाच एक भाग म्हणजे सध्या देशभरात राबवण्यात येत असलेली ‘हरघर तिरंगा’ मोहीम. या मोहिमेअंतर्गत देशातील प्रत्येक घरामध्ये राष्ट्रध्वज फडकवण्यात येत आहे. याचसंबंधित एक सुंदर फोटो सध्या सोशल मीडियावर व्हायरल होत आहे.

‘हर घर तिरंगा’ या मोहिमेअंतर्गत सर्व भारतीय आपल्या घरामध्ये राष्ट्रध्वज लावून आपली देशभक्ती दाखवत आहेत. यात सेलिब्रिटीही मागे नाहीत. मात्र, यादरम्यान एक वयस्कर महिला आणि तिचे पती यांचा एक फोटो सोशल मीडियावर व्हायरल होत आहे. या फोटोमध्ये हे जोडपे आपल्या घराच्या छतावर एकमेकांच्या मदतीने झेंडा लावताना दिसत आहेत.

थेट अंतराळातून भारताला दिल्या स्वातंत्र्यदिनाच्या शुभेच्छा; Viral Video पाहून तुम्हालाही वाटेल अभिमान

उद्योगपती आनंद महिंद्रा यांनी आपल्या ट्विटर अकाउंटवर हा फोटो पोस्ट आहे. ते नेहमीच काहीतरी वेगळी कामगिरी करणाऱ्या भारतीयांना प्रोत्साहन देताना आणि त्यांचे मनोबल वाढवताना दिसतात. सध्या त्यांनी शेअर केलेला या वयस्कर जोडप्याचा फोटो नेटकऱ्यांना फारच आवडला आहे. आनंद महिंद्रा यांनी या फोटोच्या माध्यमातून अतिशय सुंदर संदेश दिला आहे. त्यांनी या फोटोसह कॅप्शनमध्ये म्हटलंय, “यावेळी स्वातंत्र्यदिनाचा एवढा गवगवा करण्याची काय गरज आहे? असा प्रश्न तुम्हाला पडला असेल तर त्याबद्दल या दोघांना विचारा. कोणत्याही प्रवचनापेक्षा हे दोघे तुम्हाला यामागील कारण जास्त चांगल्या पद्धतीने सांगू शकतील. जय हिंद.”

या फोटोमध्ये एक वृद्ध जोडपे दिसत आहे. दोघे गच्चीवर उभे आहेत. वृद्ध महिला लोखंडी ड्रमवर चढून लोखंडी रॉडवर झेंडा लटकवताना दिसत आहे. खाली तिचा नवरा ड्रम धरून उभा आहे जेणेकरून तो आपल्या पत्नीला आधार देऊ शकेल. म्हातारे असूनही त्यांचे राष्ट्रध्वज आणि देशाबद्दलचे प्रेम पाहण्यासारखे आहे.

केवळ भारतच नाही, तर ‘हे’ देशही १५ ऑगस्ट रोजी साजरा करतात स्वातंत्र्य दिन; जाणून घ्या त्यांच्या संघर्षाची कथा

या फोटोत दिसणारे लोक त्या पिढीतील आहेत ज्यांच्यासाठी स्वातंत्र्याचा अर्थ आजच्या काळापेक्षा पूर्णपणे वेगळा आहे. त्या लोकांनी देश स्वतंत्र होताना स्वतःच्या डोळ्यांनी पाहिला होता, त्यामुळे त्यांच्या भावना आपल्या सर्वांपेक्षा जास्त आहेत. या फोटोला एक लाख १७ हजारांहून अधिक लाइक्स मिळाले आहेत, तर १२ हजारपेक्षा जास्त वेळा हा फोटो रिट्वीट केला गेला आहे.

मराठीतील सर्व ट्रेंडिंग ( Trending ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Independence day the photo posted by anand mahindra was shared by 12 thousand people due to the caption pvp

ताज्या बातम्या