अवघ्या पाच वर्षांची ही चिमुकली आज सोशल मीडियावरची राणी झाली आहे. तिच्या अप्रतिम सौंदर्यानं तिनं सर्वांनाच भुरळ घातली आहे. पाहताचक्षणी ही बाहुली आहे की मुलगी असा प्रश्न पडावा असं रुप जिला लाभलं तिच्याबद्दल जाणून घेण्याचं कुतूहल अनेकांना होतं. या मुलींचं नवा जारे इजालाना. ती मुळची नायजेरियाची. निळे डोळे, कुरळ्या केसांच्या जाराच्या सौंदर्याची भुरळ छायाचित्रकार मोफे बामुइवावर पडली. जारेचे काही फोटो त्यानं टीपले. मोफेनं हे फोटो सोशल मीडियावर शेअर केले. बघता बघता हे फोटो इतके प्रसिद्ध झाले की ही बाहुली नसून ती पाच वर्षांची मुलगी आहे यावर विश्वास ठेवणंही अनेकांना अवघड जात होतं. ती लहान आहे पण तिच्या चेहऱ्यावरचे भाव एका मोठ्या व्यक्तीसारखे आहेत. ती मला एका शक्तीशाली स्त्रीसारखी भासली अशा शब्दात त्यानं तिच्या अप्रतिम सौंदर्याचं कौतुक केलं आहे .
