Viral Video: प्रत्येक दिवशी सोशल मीडियावर लाखो युजर्स विविध प्रकारचे व्हिडीओ शेअर करत असतात. ज्यातील अनेक व्हिडीओंमुळे नेटकऱ्यांचे मनोरंजन होते, तर काही व्हिडीओंमुळे अनेक गोष्टी आपल्याला शिकायला मिळतात. सोशल मीडियाचा ट्रेंड सातत्याने बदलत असतो. या ट्रेंडमध्ये अनेकदा नवी, जुनी गाणी देखील असतात. मागील काही दिवसांपूर्वी प्रदर्शित झालेल्या एका चित्रपटातील लावणी सध्या खूप चर्चेत आहे. एक तरूणी याच गाण्यावर तिची लावणी साजर करतेय.
लावणी नृत्य ही महाराष्ट्राची लोककला आहे. गावाच्या जत्रेतून पिढ्यापिढ्या मनोरंजन करणारी लावणी आजही लोकांच्या पंसतीस उतरते. लावणी ही वाटते तितके सोपे नाही. लावणी करण्यासाठी नृत्याची जाण तर लागतेच त्याचबरोबर नृत्य करण्यासाठी अदाही लागते. ढोलकीच्या तालावर आणि घुंगराच्या बोलावर एकापेक्षा एक लावणी सादर करणाऱ्या कलाकारांचे अनेक व्हिडिओ रोज सोशल मीडियावर व्हायरल होत असतात पण मोजकेच व्हिडिओ असतात जे प्रेक्षकांच्या मनावर राज्य करतात. असाच एक सुंदर लावणीचा व्हिडिओ समोर आला आहे.
या व्हायरल व्हिडीओमध्ये तुम्ही पाहू शकता, एक तरूणी तिच्या डान्स क्लासमध्ये ‘राया कराना हो एक इशारा आलेच मी’ या गाण्यावर लावणी सादर करतेय. तिच्या स्टेप्स आणि चेहऱ्यावरील हावभाव पाहून आसपास बसलेल्या इतर तरूणी तिला प्रोत्साहन देतात. सध्या तिची ही लावणी सोशल मीडियावर खूप चर्चेत आली आहे.
पाहा व्हिडीओ:
हा व्हिडीओ इन्स्टाग्रामवरील @pruuu_14 या अकाउन्टवर शेअर करण्यात आला असून यावर तीन लाखाहून अधिक व्ह्यूज आणि हजारो लाइक्स मिळाल्या आहेत. तसेच अनेक युजर्स यावर कमेंट्स करत आहेत. एकाने लिहिलंय की, खूपच सुंदर नाचतेय ही, तर दुसऱ्याने लिहिलंय की, लावणीची अप्सराच आहे ही. तर आणखी एकाने लिहिलंय की, “अशी असते खरी लावणी”
