सोशल मीडियावर कधी काय व्हायरल होईल, याचा अंदाज लावणं कठीण आहे. कधी कोणी कारला हेलिकॉप्टर बनवतो तर कोणी विटांपासू कुलर बनवल्याचे व्हिडीओ व्हायरल झाले आहेत. आताही अशाच प्रकारचा जुगाड केल्याचा भन्नाट व्हिडीओ इंटरनेटवर धुमाकूळ घालत आहे. एका व्यक्तीने बुलेट सवारीचं स्वप्न साकार केल्याचं या व्हिडीओच्या माध्यमातून समोर आलं आहे. पट्रोलशिवाय चालणारी बुलेट बनवण्याचा जुगाड या पठ्ठ्यानं केला आहे. या बुलेटमध्ये काय खासीयत आहे, यासाठी तुम्हाला संपूर्ण व्हिडीओ पाहावा लागेल.
या बुलेटचा व्हिडीओ होतोय तुफान व्हायरल, कारण…
एक व्यक्ती बुलेट चालवताना व्हायरल झालेल्या व्हिडीओत दिसत आहे. पण तुम्ही हा व्हिडीओ बारकाईने पाहिला तर तुम्हाला तो व्यक्ती पायंडल मारून बुलेट चालवताना व्हिडीओत दिसत आहे. लोक जशी सायकल चालवतात, तशाचप्रकारे या व्यक्तीने बुलेटलाही पायंडल लावण्याची शक्कल लढवली आहे. तुम्ही तीक्ष्ण नजरेने या व्हिडीओला पाहिला, तर तुम्हाला कळेल वरचा संपूर्ण भाग बुलेटसारखा आहे. पण खालच्या भागात लावलेले पार्ट्स सायकलचे आहेत. यावरुन स्पष्ट दिसतंय की या तरुणाने भन्नाट जुगाड करुन सायकल आणि बुलेटचे पार्ट मिक्स करुन बुलेट सायकल बनवली आहे.
इथे पाहा व्हिडीओ
@prince_raj9927 या नावाच्या युजरने हा व्हिडीओ इन्स्टाग्रामवर शेअर केला आहे. या व्हिडीओला नेटकऱ्यांनी भन्नाट प्रतिक्रियाही दिल्या आहेत. हा व्हिडीओ सोशल मीडियावर जबरदस्त गाजला आहे. कारण आतापर्यंत ९ लाखांहून अधिक लाईक्स या व्हिडीओला मिळाले आहेत. सोशल मीडियावर काही ना काही जुगाड करुन वाहने बनवण्याचे व्हिडीओ व्हायरल झालेले आपण पाहिले असतील. पण अशाप्रकारचा व्हिडीओ याआधी तुम्ही कदाचित पाहिला नसेल. कारण पेट्रोलचे वाढणारे दर पाहता लोकांच्या डोक्यात पैसे वाचवण्यासाठी भन्नाट कल्पना येतात. आणि एका व्यक्तीने सायकलसारखी बुलेट बनवण्याचा जुगाड केलेला व्हिडीओ पाहिल्यानंतर सर्वांनाच आश्चर्याचा धक्का बसला आहे.
