महाराष्ट्रातील अंबरनाथ येथील एका इमारतीच्या लिफ्टमध्ये एक विक्षिप्त माणसाने १२ वर्षांच्या मुलावर क्रूरपणे हल्ला केला. ही धक्कादायक घटना लिफ्टच्या सीसीटीव्ही फुटेजमध्ये कैद झाली. हा व्हिडिओ आता सोशल मीडियावर व्हायरल झाला आहे. व्हिडीओमध्ये एक माणूस लिफ्टमध्ये प्रवेश करतो आणि नंतर मुलाच्या कानाखाली मारतो. व्हिडिओमध्ये तो मुलाच्या हाताला चावतानाही दिसत आहे. व्हिडिओ पाहून अनेकाच्या काळजात धस्स होत आहे.
नेमके काय घडले?
अंबरनाथमधील पालेगाव येथील पटेल झेनॉन हाऊसिंग प्रोजेक्टच्या लिफ्टमध्ये ४ जुलै रोजी संध्याकाळी ५ वाजता ही घटना घडल्याचे वृत्त आहे. १४ व्या मजल्यावर मुलाने लिफ्ट थांबवली नाही म्हणून तो माणूस रागावला होता असे वृत्त आहे. व्हिडिओमध्ये दिसत आहे की, मुलगा अचानक आत शिरला तेव्हा तो मुलगा लिफ्टचा दरवाजा बंद करत आहे.
पीडित मुलाची ओळख त्यागी पांडे अशी झाली आहे. तो संध्याकाळी क्लासला जाण्यासाठी घराबाहेर पडला होता. तो १४ व्या मजल्यावरून लिफ्टने चढला तेव्हा ९ व्या मजल्यावर लिफ्ट थांबली. त्याला दिसले की, मजल्यावर कोणीही उपस्थित नाही, म्हणून त्याने लिफ्टचा दरवाजा बंद करण्याचा प्रयत्न केला.
विक्षिप्त माणसाने मुलाला चाकूने वार करण्याची धमकी देणारा
कैलाश थवानी असे ओळखल्या जाणाऱ्या आरोपीने लिफ्टमध्ये प्रवेश केला आणि मुलाला मारहाण करण्यास सुरुवात केली. तो मुलाला कानाखाली मारू लागला आणि मला पाहून दरवाजा का लावला असे म्हणत त्याने मुलाला बेदम मारहाण सुरु केली. मुलाने विरोध करण्याचा प्रयत्न केला तेव्हा त्याचा हात पकडून त्याच्या हाताचा चावा घेतला. तसेच त्याने मुलाला बाहेर भेटल्यास चाकूने वार करण्याची धमकीही दिली. तो म्हणाला, “बाहर मिल चाकू से मारुंगा.” (बाहेर भेट, मी तुला चाकूने मारेन.)
या घटनेचा व्हिडिओ सोशल मीडियावर मोठ्या प्रमाणात शेअर केला जात आहे आणि हा व्हिडिओ सोशल मीडियावर व्हायरल होत आहे.
पोलिसांनी केली कारवाई
लिफ्टमधून उतरल्यानंतरही त्या व्यक्तीने मुलाला मारहाण केल्याचे वृत्त आहे. त्याने लॉबीमध्येही त्याला मारहाण केली. घटनेनंतर मुलाच्या पालकांनी त्याला पोलिस ठाण्यात नेले आणि या प्रकरणासंदर्भात गुन्हा दाखल केला. अद्याप आरोपींना अटक झाल्याचे वृत्त नाही.
इंटरनेट वापरकर्ते अल्पवयीन मुलावरील हल्ल्याचा निषेध करत आहेत आणि आरोपींवर कठोर कारवाईची मागणी करत आहेत.
