युद्धाच्या टँकमध्ये सापडले कोटींचे सोने

युद्धाच्या एका जुन्या टँकमध्ये कोटींचे सोने मिळालेलं ऐकलंत कधी? आता युद्धाचे रनगाडे, टँक ते.. तिथे काय मिळेल? फार फार तर बंदूका किंवा गोळाबारुद. हिच आशा घेऊन लंडनमधल्या निक मेड नावाच्या व्यक्तीने एक जुना इराकी टँक खरेदी केला. हा टँक खरेदी केल्यानंतर तो आणि त्याचा सहकारी टॉड दोघेही या टँकच्या इंधन टाकीत डोकावून पाहत होत. आतापर्यंत त्यांनी असे युद्धातले अनेक टँक खरेदी केले होते यात त्यांना दारूगोळा किंवा बंदुका मिळायच्या. याच आशेने ते इंधन टाकीत शोध घेत होते पण काही वेळातच बंदुकांपेक्षाही जास्त किमतीचे घबाड त्यांना हाती लागेल. या टँकमध्ये जवळपास १५ कोटींहूनही अधिक किंमतीची सोन्याची पाच बिस्किटे त्यांच्या हाती लागली . निकने २४ लाखांना हा टँक विकत घेतला होता, पण याच टँकमधून आपल्याला १५ कोटींचे सोने मिळेल याची कल्पनाही त्यांनी केली नसेल.