पुणे: Mercedes-Benz च्या सीईओंनी १ कोटी ६० लाखांच्या S Class कारमधून उतरुन रिक्षाने केला प्रवास; कारण... | Mercedes Benz CEO auto ride in Pune after S Class gets stuck in Pune traffic scsg 91 | Loksatta

पुणे: Mercedes-Benz च्या सीईओंनी १ कोटी ६० लाखांच्या S Class कारमधून उतरुन रिक्षाने केला प्रवास; कारण…

ते २०१८ पासून ‘मर्सिडीज-बेन्झ इंडिया’चे मुख्य कार्यकारी अधिकारी आहे.

पुणे: Mercedes-Benz च्या सीईओंनी १ कोटी ६० लाखांच्या S Class कारमधून उतरुन रिक्षाने केला प्रवास; कारण…
त्यांनीच ही माहिती शेअर केली आहे (फोटो मार्टिन श्वेंक यांच्या इन्स्ताग्रामवरुन साभार)

Mercedes Benz CEO s auto ride in Pune: तुम्ही जगातील सर्वात आलिशान कार कंपन्यांपैकी एखाद्या कंपनीमधील उच्चपदस्थ अधिकारी असलात तरी पुण्यात आल्यावर तुम्हाला गरजेच्यावेळी एखादी रिक्षाच मदत करु शकते. त्यात तुमची गाडी बंद पडली असेल तर पुणेकर रिक्षावाला हाच तुमचा खरा सारथी ठरु शकतो. असाच काहीसा अनुभव आला ‘मर्सिडीज-बेन्झ इंडिया’चे मुख्य कार्यकारी अधिकारी असणाऱ्या मार्टिन श्वेंक यांना. श्वेंक हे त्यांच्या ‘मर्सिडीज एस क्लास’ने गाडीने प्रवास करत होते. मात्र ते पुण्याच्या वाहतूक कोंडीत अडकले आणि त्यांना आपली कार रस्त्यात सोडून रिक्षाने प्रवास करावा लागला.

श्वेंक यांनी इन्स्ताग्रामवर यासंदर्भातील एक फोटो पोस्ट करत स्वत:च ही माहिती दिली आहे. मी माझ्या गाडीमधून खाली उतरलो. काही किलोमीटर चाललो आणि मग रिक्षा पकडली, असं श्वेंक यांनी म्हटलं आहे. त्यांनी रिक्षामध्ये बसून काढलेला फोटो शेअर केला आहे. त्यांच्या या फोटोवर अनेक मजेदार प्रतिक्रिया दिसून येत आहेत. अनेकांनी त्यांना हा प्रवास कसा वाटला यासंदर्भात विचारलं आहे.

“जर तुमची एस क्लास गाडी वाहतूक कोंडीमध्ये पुण्याच्या सुंदर रस्त्यांवर अडकून पडली तर तुम्ही काय कराल? कदाचित कारमधून उतरुन चालायला सुरुवात कराल. काही किलोमीटर गेल्यानंतर रिक्षा पकडाल?” अशा कॅप्शनसहीत श्वेंक यांनी हा रिक्षाच्या मागील सीटवरुन काढलेला फोटो शेअर केला आहे.

एकाने, ‘माझी गाडी अशी अडकली असती तर मी गाडीमध्ये बसून राहिलो असतो’ असं पोस्टवर प्रतिक्रिया नोंदवताना म्हटलंय. तर अन्य एकाने, ‘मी माझ्या महागड्या गाडीमध्ये बसून ती वाहतूक कोंडी सुटेपर्यंत आहे त्या ठिकाणी वाडापाव मागवला’ असता अशी प्रतिक्रिया दिली आहे.

श्वेंक हे २०१८ पासून ‘मर्सिडीज-बेन्झ इंडिया’चे मुख्य कार्यकारी अधिकारी आहे. यापूर्वी ते ‘मर्सिडीज-बेन्झ चीन’ या कंपनीचे मुख्य आर्थिक नियोजन अधिकारी होते. ते २००६ पासून या कंपनीमध्ये काम करत आहेत. विशेष म्हणजे त्यांची जी ‘एस क्लास’ कार त्यांनी अर्ध्या वाटेत सोडली ती भारतात किमान १ कोटी ६० लाखांपासून विक्रीसाठी उपलब्ध आहे.

मराठीतील सर्व ट्रेंडिंग ( Trending ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
Queen Victoria स्टाईलमध्ये या ८९ वर्षीय आजीने साजरा केला वाढदिवस, VIRAL VIDEO ला २३ मिलियन व्ह्यूज

संबंधित बातम्या

माकड करतंय टायपिंग, त्याच्या मेंदूमध्ये बसवलीय चिप… काय आहे एलॉन मस्क यांच्या डोक्यात?
Viral Video: 114 kmph वेगानं दुचाकी चालवणाऱ्या दोन तरुणांचा मृत्यू, दुभाजकाला धडक दिल्याचा थरार कॅमेरात झाला कैद
राज्यपालांना काळे झेंडे दाखवणाऱ्या ‘स्वराज्य’ संघटनेच्या कार्यकर्त्यांना अटक, संभाजीराजेंची संतप्त प्रतिक्रिया; म्हणाले, “शिवरायांचा…”
कर्म तैसे फळ! मोराच्या अंड्यांची चोरी करायला गेलेल्या चोराला घडली जन्माची अद्दल; पाहा Viral Video
नाद करायचा नाय! ‘कुत्ता समझा क्या’, सिंहांच्या कळपासोबत मस्ती करणाऱ्याला अद्दलच घडली, पाहा अंगावर शहारा आणणारा Viral Video

व्हिडिओ

ताज्या बातम्या
मुंबई: नायर दंत रुग्णालयात उभारणार अद्ययावत प्रयोगशाळा
मुंबई: नवजात बालकाला इमारतीवरून फेकणाऱ्या महिलेला तीन वर्षांनी जामीन
राज ठाकरेंच्या कोकण दौऱ्याचा कार्यकर्त्यांना नव्हता थांगपत्ता; सिंधुदुर्ग जिल्ह्याची मनसे कार्यकारिणी बरखास्त
पुणे: शिवाजीनगर, डेक्कनमधील वीजपुरवठा रविवारी सकाळी बंद; महापारेषणकडून पूर्वनियोजित दुरुस्ती
रविवारच्या मेगाब्लाॅकमधून मुंबईकरांची सुटका; महापरिनिर्वाणदिनानिमित्त मेगाब्लाॅक नाही