कॅप्टन कूल महेंद्रसिंग धोनी याचे फॅन जगभरात आहेत. बऱ्याच दिवसांनंतर टीम इंडियामध्ये स्थान मिळवलेला धोनी ऑस्ट्रेलियातील वनडे सिरीज खेळत आहे. जवळपास २ महिन्यांनंतर तो मैदानात परतला आहे. धोनीने आल्याआल्याच अर्धशतक करुन शानदार आगमन केले आहे. नुकताच सिडनीच्या क्रीकेट मैदानात सराव करत असताना एका ८७ वर्षाच्या महिलेने त्यांला गाठले. आपण तुझे खूप मोठे फॅन आहोत असे तिने धोनीला सांगितले. त्यानंतर धोनीनेही या आजींसोबत बराच वेळ घालवला. धोनी मैदानात सराव करत असताना ही महिला त्याठिकाणी पोहोचली आणि त्याला घेऊन बाजूला असलेल्या खुर्चीवर बसली. विशेष म्हणजे धोनीनेही या महिलेशी बराच वेळ गप्पा मारल्या. Craze Level: MAHENDRA SINGH DHONI !#MSDhoni #Dhoni #Fans #Craze #Demigod #Legend #AUSvIND #India #Australia @msdhoni @seemantlohani @mihir_diwakar pic.twitter.com/SxrYQPxLDR — Aabhas Raj (@msdhoniaddicted) January 9, 2019 यावेळी या वृद्ध महिलेने धोनीची आणि त्याच्या खेळाची तारीफ केली. यावेळी महिला म्हणाली, मी अतिशय नशीबवान आहे कारण मी एमएस धोनीला भेटले. मला खूप जास्त आनंद होत असून मला त्याचा अभिमान आहे. ती तिच्या मुलासोबत सिडनीच्या क्रीकेट मैदानावर धोनीला खेळताना पाहण्यासाठी आली होती. माझ्या आईसाठी हा अतिशय विशेष क्षण आहे. आजच्या काळातील डॉन ब्रॅडमन याला ती भेटल्याचा आनंद तिला झाला आहे असेही ते म्हणाले. या वयातही क्रीकेटचे असणारे वेड आणि आपल्या आवडत्या खेळाडूला भेटण्यासाठी या आजींची असलेली धडपड खऱ्या अर्थाने प्रेरणादायी आहे असे म्हटल्यास वावगे ठरणार नाही. ही घटना कॅमेरात कैद झाली आणि हा व्हिडियो व्हायरलही झाला
