Navneet Rana Crying Video Viral: लोकसभा निवडणुकीत अमरावती मतदारसंघातून पराभूत झालेल्या नवनीत राणा यांचा एक व्हिडीओ सोशल मीडियावर तुफान व्हायरल होत असल्याचे लाइटहाऊस जर्नलिझमला आढळून आले. या व्हिडीओमध्ये नवनीत राणा रडताना दिसत होत्या. आपल्या मतदारसंघातून पराभवाचा सामना केल्यानंतर त्या रडताना दिसल्याचा दावा करण्यात आला होता. निकालाची आकडेवारी पाहिल्यास काँग्रेसच्या बळवंत वानखेडे यांनी १९ हजार ७३१ मतांनी नवनीत राणा यांचा पराभव केला आहे. नवनीत राणा यांना अमरावतीकरांनी ५ लाख ६ हजार ५४० मते दिली होती तर वानखेडे यांना ५ लाख २६ हजार २७१ मते प्राप्त झाली होती. या पराभवानंतर राणा यांच्या डोळ्यात अश्रू तरळले होते असे सांगणारा व्हिडीओ व्हायरल होत आहे. तपासात या व्हिडीओची खरी बाजू दिसून आली आहे, हे प्रकरण सविस्तर जाणून घेऊया..

काय होत आहे व्हायरल?

X यूजर Nehr_who? ने हा व्हिडीओ आपल्या प्रोफाइल वर शेअर केला .

इतर वापरकर्ते देखील अलीकडील व्हिडीओ समान शेअर करत आहेत.

तपास:

आम्ही व्हिडीओ वरून मिळवलेल्या कीफ्रेमवरून रिव्हर्स इमेज सर्च चालवून तपास सुरू केला. रिव्हर्स इमेज सर्चमुळे आम्हाला नवभारत टाईम्सवरील बातमी सापडली.

https://navbharattimes.indiatimes.com/photomazza/state-photogallery/navneet-rana-admited-in-lilavati-hospital-mla-husband-ravi-rana-meet-see-imotional-pictures-of-couple/photoshow/91349446.cms

रवी राणा तुरुंगातून सुटल्यानंतर थेट पत्नी नवनीत राणाला भेटायला गेला होता, असे या अहवालात नमूद करण्यात आले आहे. घटना मे २०२२ ची आहे.
आम्हाला त्याच संदर्भात एक व्हिडीओ सापडला.

दोन वर्षांपूर्वी CNN-News18 च्या YouTube चॅनेलवर अपलोड केलेला हा व्हिडीओही आम्हाला आढळला.

वर्णनात नमूद केले आहे: रुग्णालयात पतीला भेटल्यानंतर खासदार नवनीत राणांना अश्रू अनावर झाले. त्यावर एएनआयने केलेली पोस्टही आम्हाला आढळली

This quiz is AI-generated and for edutainment purposes only.
https://x.com/ANI/status/1522199285227753472

निष्कर्ष: अमरावतीतून हरलेल्या माजी खासदार नवनीत राणा रडतानाचा व्हायरल झालेला व्हिडीओ दोन वर्षे जुना आहे. व्हायरल दावे दिशाभूल करणारे आहेत.