Viral video: मुलं देवाघरची फुलं, असं आपण नेहमी म्हणतो. कारण- ती नेहमी खरं बोलतात. सोशल मीडियावर रोज अनेक व्हिडीओ व्हायरल होत असतात. त्यात लहान मुलांचे व्हिडीओ लोकांना फार आवडतात. त्यांचा निरागसपणा सगळ्यांनाच भावतो. अशाच एका चिमुकल्याचा व्हिडीओ सध्या सोशल मीडियावर व्हायरल होत आहे. हा व्हिडीओ पाहून तुम्हालाही हसू अनावर होईल. सध्या नवरात्रीचे दिवस सुरु आहेत, अशातच शेवटच्या दिवशी बऱ्याच ठिकाणी फॅन्सी ड्रेसच्या स्पर्धा आयोजीत केल्या जातात. अशीच एक वेशभूषा स्पर्धा आयोजीत केली होती आणि त्यामध्ये एका चिमुकल्यानं सर्वांचं लक्ष वेधून घेतलं आहे.
या व्हिडीओमध्ये तुम्ही पाहू शकता, एक चिमुकल्यानं वेशभूषा स्पर्धेत एका त्रस्त नवऱ्याची वेशभूषा केली आहे. यावेळी त्याच्या गळ्यातल्या पाटीनं मात्र सर्वाचंच लक्ष वेधलं. या पाटीवर लिहलेलं वाचून तुम्हीही पोट धरुन हसाल. आता तुम्हालाही प्रश्न पडला असेल की नेमकं लिहलंय तरी काय पाटीवर…तर या पाटीवर “बायकोशी वाद पडला महागात” असं लिहलं आहे.. एवढंच नाहीतर त्यानं डोक्याला पट्टी लावली आहे, तसेच हाताला बँडेज लावला आहे.
सोशल मीडियावर कायमच लहान मुलांचे फनी व्हिडीओ व्हायरल होत असतात. या व्हिडीओच्या माध्यमातून त्यांच्यातील निरागसता आपण कायमच अनुभवत असतो सध्या अशाच एका चिमुकल्याची जोरदार चर्चा सुरु आहे.
पाहा व्हिडीओ
नेटकरी काय म्हणतात?
सोशल मीडियावर हा व्हिडीओ sahakar_nagar_mitra_mandal नावाच्या इन्स्टाग्राम अकाऊंटवरुन शेअर करण्यात आला आहे. यावर आता नेटकरी आपल्या प्रतिक्रिया देत आहेत. एकानं म्हटलं, आपली शिक्षणपद्धती बदलावी लागेल. इतक्या लहान वयात आपण अशा पद्धतीच्या गोष्टी शिकवल्या नाही पाहिजे? जीवनाचा आनंद लुटला पाहिजे,” तर आणखी एकानं “खरंच हे योग्य आहे का? याचा विचार केला पालकांनी केला पाहिजे” तर अनेकांनी हसून याचा आनंद घेतला आहे. एकानं म्हंटलंय, “बायकोशी झाला वाद, सांग सांग भोलानाथ पाऊस पडेल काय” तर आणखी एकानं, “ये बाबा तू कितीही आम्हाला घाबरविले तरी बी आम्ही लग्न करणार ” अशी कमेंट केली आहे.
