पाकिस्तानी क्रिकेट चाहते म्हणतात शहजाद नाही कोहलीच आमचा फेव्हरेट! - Marathi News | Pakistani Cricket Fans Choose Indian Cricket Team Captain Virat Kohli Over Ahmed Shehzad In Twitter Opinion

पाकिस्तानी क्रिकेट चाहत्यांचे भारताच्या कर्णधारावर विशेष प्रेम आहे

विराट की अहमद?

भारतीय क्रिकेट संघाचा कर्णधार विराट कोहलीचे चाहते जगभरात आहेत. त्यातही खास करुन भारताचा कट्टर प्रतिस्पर्धी असणाऱ्या पाकिस्तानी क्रिकेट चाहत्यांचे भारताच्या कर्णधारावर विशेष प्रेम आहे. आणि हेच प्रेम नुकत्याच एका ट्विटर पोस्टवरून समोर आले आहे.

पाकिस्तानी फलंदाज अहमद शहजादला पाकिस्तानचे काही चहाते पाकचा विराट कोहली म्हणतात. याचाच आधार घेऊन पाकिस्तानमधील एका ट्विटर अकाऊण्टने कोहली आणि अहमदची तुलना करत तुम्हाला कोण आवडतो असे नेटकरांनाच विचारले. दोघांचे बाजूबाजूला फोटो पोस्ट करुन त्याबरोबर ‘अहमद शहजाद आवडत असेल तर रिट्वीट करा आणि कोहली आवडत असेल तर ट्विट लाइक करा’ असा मजकूर पोस्ट करण्यात आला. पाकिस्तानी चाहत्यांनीही ऑफ फिल्ड जास्त चर्चेत असणाऱ्या अहमद शहजाद ऐवजी प्रतिस्पर्ध्यांना मैदानात गारद करणाऱ्या विराटच्या पारड्यात मते टाकली. या ट्विटला ३२२ रिट्विट मिळाले म्हणजे केवळ ३२२ जणांनी अहमद शहजादला पसंती दर्शवली तर कोहलीच्या पारड्यात पडलेल्या मतांची संख्या होती ६ हजार ४५८! पाकिस्तानमध्ये इतकी लोकप्रियता असणारा कोहली हा धोनीनंतरचा सध्याचा एकमेव भारतीय खेळाडू आहे.

Let’s settle this
RT for ahmed shahzad
Like for Virat kohli
#PAKvsWorldXI pic.twitter.com/MyktPUWC3l
— All Pakistan Memes (@allPakistanMeme) September 12, 2017

या ट्विटवर केवळ मते न नोंदवता वाचाळ अहमद शहजादवर पाकिस्तानी क्रिकेट चाहत्यांवर चांगलेच तोंडसुख घेतले. कोहली आणि अहमद शहजाद तुलना होऊ शकत नाही, कोहलीच सरस आहे हे आपल्या सर्व पाकिस्तानी क्रिकेट चाहत्यांनाही ठाऊक आहे आणि हे मान्य करायलाच हवे अशी उत्तरे या ट्विटला पाकिस्तानी क्रिकेट चाहत्यांनी दिली. तर अहमद शहजादला चिमटे काढणारेही काही ट्विटस पाकिस्तानी ट्विपल्सने केले. ही तुलना म्हणजे कोहलीचा अपमान आहे, अहमद कोहलीच्या आजूबाजूला सुद्धा नाहीय. तो कोहली लेजन्ट आहे, कोहलीच्या बाजूला नाव लिहीण्या इतकाही अहमद शहजाद लायक नाहीय. अहमद स्वार्थी आणि निरोपयोगी क्रिकेटर असून दुसरीकडे कोहली म्हणजेच क्रिकेट अशी स्थिती आहे असे ट्विटही करण्यात आलेले आहेत.

Come on . Accept it , out of 100 times, 99.9% time one kohli is equal or above then 6 batsmen of Pakistan team frm past current & in future
— NABEEL ZAHID (@nabz84) September 12, 2017

Khud compare kar ke pic.twitter.com/3AfQz7IkXy
— Gop@l MBA (@giri_gopal) September 13, 2017

कोहलीच्या शैलीचे आणि खेळाचे पाकिस्तानमध्ये असंख्य चहाते आहेत हे वेळोवेळी सिद्ध झाले आहे. पाकिस्तानमध्ये नुकत्याच झालेल्या पाकिस्तानी क्रिकेट संघ विरुद्ध वर्ल्ड इलेव्हन सामन्यांदरम्यानही “कोहली आणि धोनी तुम्ही पाकिस्तानमध्ये येऊन आमच्या संघाविरुद्ध खेळावे अशी आमची इच्छा आहे.” “कोहली, धोनी आम्ही तुम्हाला मीस करतोय.” असे असंख्य पोस्टर्स कॅमेरामध्ये कैद झाले आहेत. भारतीय संघ ज्याप्रकारे खेळतोय आणि प्रत्येक खेळाडूची कामगिरी ज्याप्रकारे दिवसोंदिवस उंचावत आहे तशी त्यांच्या चाहत्यांची संख्या जगभरात वाढतेय याचेच हे उदाहरण आहे.

THIS IS SO DISRESPECTFUL TO VIRAT KOHLI
— Maryam (@BefourMaryam) September 12, 2017

you can’t even write @iamAhmadshahzad name next to Virat Kohli. Ahmad Shahzad is useless and selfish cricketer and Kohli is Cricket.
— Iqama Holder (@wasafahmad) September 13, 2017

First published on: 25-09-2017 at 18:00 IST

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Pakistani cricket fans choose indian cricket team captain virat kohli over ahmed shehzad in twitter opinion