तुमच्यापैकी अनेकांना पिझ्झा खायला खूप आवडत असेल, शिवाय पिझ्झा खाल्लेला नाही असा माणूस आजकाल शोधून सापडणं कठीण आहे. सध्याच्या धावपळीच्या जीवनशैलीत अनेकजण जेवणाऐवजी पिझ्झा ऑर्डर करतात. पण आता एक अशी बातमी समोर आली आहे, जी समजल्यावर तुम्हाला आश्चर्याचा धक्का बसेल, यात शंका नाही.
हो कारण तुम्ही जो पिझ्झा मोठ्या आवडीने खाता तो पिझ्झा २ हजार वर्षांपूर्वीचे लोकही खायचे, याबाबतचा पुरावा समोर आला आहे. पोम्पेई या प्राचीन रोमन शहरामध्ये पुरातत्वशास्त्रज्ञांना एक जलरंग पेंटिंग सापडले आहे, ज्यामध्ये चांदीच्या ताटासह वाइन, फळे आणि टॉपिंगसह पिझ्झासारखा सपाट, गोल पिठाचा तुकडा दिसत आहे. २ हजार वर्ष जुन्या पेंटिंगमध्ये दाखवलेला फ्लॅटब्रेड अलीकडेच पोम्पेई येथील रेजिओ IX च्या इनुला १० येथील उत्खननाचा एक भाग म्हणून उदयास आला आहे, जो प्राचीन पॉम्पियन घराच्या भिंतीवर चित्रित करण्यात आला होता. तो कदाचित २०१७ मध्ये आधुनिक डिशचा पूर्वज असू शकतो. ज्याला “नेपोलिटन पिझ्झा शेफची पारंपारिक कला” म्हणून जागतिक वारसा घटकाचा दर्जा देण्यात आला होता.
इटलीच्या सांस्कृतिक मंत्रालयाने सांगितलं आहे की, फ्लॅटब्रेड आधुनिक पाककृतीचा पूर्वज असू शकतो” परंतु पिझ्झा मानल्या जाणार्‍या क्लासिक घटकांचा त्यात अभाव आहे. पॉम्पेईच्या पुरातत्व पार्कच्या पुरातत्वशास्त्रज्ञांनी स्पष्ट केल्याप्रमाणे, चांदीच्या ट्रेवर ठेवलेल्या वाइन कपच्या शेजारी, सपाट फोकॅसिया दाखवण्यात आलं आहे जे विविध फळांना आधार म्हणून काम करते, (ज्याला डाळिंब म्हणून ओळखले जाऊ शकते.), मसाल्यांसह आणि कदाचित पेस्टोच्या प्रकारासह, पिवळे आणि गेरू ठिपक्यांचे संकेत मिळत आहेत. याव्यतिरिक्त, त्याच ट्रेवर खजूर आणि डाळिंबांच्या शेजारी सुकामेवा आणि पिवळ्या स्ट्रॉबेरीच्या झाडांचा हारदेखील दिसत आहे.
पॉम्पेईचे संचालक,गेब्रियल ज़ुख्ट्रीगेल यांनी बीबीसीला सांगितले की, पेंटिंग, मितव्ययी आणि साधे अन्न आणि चांदीच्या ट्रेची लक्झरी, यांच्यातील फरक दाखवत आहे. ते पुढे म्हणाले, आम्ही यावेळी पिझ्झाबाबत विचार न करण्याची चूक कशी करु शकतो, ज्याचा उगम दक्षिण इटलीमध्ये एका ‘खराब’ डिशच्या रुपात झाला होता आणि ज्याने आता जग जिंकले आहे तो आता जगातील प्रत्येक रेस्टॉरंटमध्ये सर्व्ह केला जातो.
