VIDEO: “खूप आवडते मला ती, पण…” काकांनी लिहिलेली पुणेरी पाटी वाचायला लोकांची गर्दी; शेवटची ओळ ऐकून पोट धरुन हसाल

या व्हिडीओमध्ये तुम्ही पाहू शकता की, पुण्याच्या रस्त्यावर एक काका पाटी लिहीत आहेत. काका लिहीत असलेली पाटी वाचायला रस्त्याने येणारे-जाणारे सर्वच पाहून थांबत आहेत. आता तुम्हालाही प्रश्न पडला असेल की, पाटीवर असं लिहिलंय तरी काय? तर त्यावर ते लिहितात, “तिला आवडतो पाऊस.. मला पावसात ती.. तिला आवडते भिजायला.. मला भिजलेली ती.. तिला आवडते हसायला.. मला हसताना ती.. तिला आवडते मनसोक्त जगणे.. मला मनसोक्त ती.. अशी खूप आवडते मला ती.. पण तिला आवडत नाही मी.. शेवटी ते म्हणतात, म्हणून तेल लावत गेला पाऊस आणि उडत गेली ती..”

पाहा व्हिडीओ

‘तुम्हाला प्रत्येक विषयात स्वत:चे मत नसेल, तर येथे प्रवेश नाही’ अशा इशार्‍यापासून ते ‘पगडीखालची खरी बुद्धिमत्ता काय असते हे पाहायचंय?’ असे आव्हान फक्त एकाच शहरात दिले जाऊ शकते, ते म्हणजे पुणे. सुरुवातीला पेठांमध्येच असलेली पुणेरी पाटी शहर पसरले, तशी संपूर्ण पुण्यात पसरली. कमीत कमी शब्दांत समोरच्याचा जास्तीत जास्त अपमान करण्याची कला पुणेकरांनाच साधली आहे, असे म्हणतात. त्याचप्रमाणे कमीत कमी शब्दांत जास्तीत जास्त खवचट आशय व्यक्त करणारी पुणेरी पाटीही कोणी येरागबाळा बनवू शकत नाही. पुणेरी पाट्या म्हणजे पुणेकरांसाठी अभिमानाचा वारसा. केवळ बुद्धिमत्ता नाही, तर खास पुणेरी तैलबुद्धीतून पाट्यांच्या माध्यमातून पुणेकरांचा स्पष्टवक्तेपणा आणि थेट भिडण्याची वृत्ती झळकते.