Viral Video Pune : पुणे आणि पुणेकरांची जगभर चर्चा होत असते. कधी पुणेरी पाट्या चर्चेत असतात, कधी पुण्यातील रिक्षाचालक तर कधी पुणेरी लोक. आपल्या हटके शैलीमुळे पुणेकर नेहमी चर्चेत असतात. सध्या अशाच एका पुणेरी काकांचा व्हिडीओ सोशल मीडियावर चर्चा होत आहे. व्हायरल व्हिडीओमध्ये काकांनी दुचाकीवर प्रवास करताना छत्री ठेवण्यासाठी हटके जुगाड वापरला आहे जो पाहून अनेकांना आश्चर्य वाटत आहे. पुण्यात अशा गोष्टी पाहायला मिळणे ही पुणेकरांसाठी काही नवीन गोष्ट नाही. काकांचा जुगाड पाहून अनेकांना हसू येत आहे.
पुण्यात सध्या कधी पाऊस पडले याचा नेम नाही त्यामुळे पुणेकरांना रोज छत्री बरोबर घेऊनच घराबाहेर पडावे लागते. पण दुचाकीवर प्रवास करताना छत्री वापरता येत नाही आणि उगाच सांभाळावी लागते. अशी काहीशी अवस्था या पुणेरी काकांची देखील झाली असावी त्यामुळे त्यांनी आपला सोपा जुगाड शोधून काढला.
पुणेरी काकांचा हटके जुगाड
दुचाकीवर मागच्या सीटवर बसलेल्या काकांनी चक्क आपल्या शर्टच्या कॉलरला छत्री अडकवली आहे. अशा अनपेक्षित गोष्टी फक्त पुण्यातच पाहायला मिळतात त्यामुळे पुणेरी काकांचा हटके जुगाड पाहून कोणीतरी काकांचा व्हिडिओ शुट करून सोशल मीडियावर पोस्ट केला आहे. अनेकांना वाटेल की एवढं काय यात चर्चा करण्यासारखं? पण हीच तर गंमत आहे. हा पुण्याचा मॅनेजमेंटचा इश्यू आहे जी फक्त पुणेकरांना कळते. मग ती पुणेरी पाटी असो किंवा पुणेरी जुगाड.
येथे पाहा व्हायरल व्हिडीओ
नेटकऱ्यांना आवडला काकांचा जुगाड
व्हायरल व्हिडिओ इंस्टाग्रामवर ek_number_punekar नावाच्या पेजवर शेअर केला आहे. व्हायरल व्हिडिओ शेअर करताना कॅप्शनमध्ये लिहिले आहे की, “वाढीव आमचे पुणे”
तसेच स्थळ – “पुणे, नाद करा ओ पण पुणेकरांचा कुठे”असा मजकूरही व्हिडीओवर लिहिलेला दिसत आहे. व्हायरल व्हिडीओवर काहींनी कमेंटही केल्या आहेत.
व्हिडीओवर कमेंट करत एकाने सांगितले की, “हा काही नवीन जुगाड नाही, जुनी लोक अशीच छत्री कॉलरला अडकवून फिरत असे”
काहींनी खळखळून हसण्याचे इमोजी व्हिडीओवर कमेंट करताना पोस्ट केल्या आहेत.
