भटजी बुवांचा स्वॅग! “दम असेल नात्यात तर लग्न करा दणक्यात, तेही एक रुपयात”

आज सांगली शहरात गर्दीच्या ठिकाणी एक भटजी बुवा त्यांच्या पारंपरिक वेशात हातामध्ये बोर्ड घेऊन उभे दिसले. अतिशय मजेदार असे भटजी बुवा व्हॅलेंटाईन डे सेलिब्रेट करणाऱ्या कपल्सला डायरेक्ट मेसेज देत होते की ‘दम असेल नात्यात तर लग्न करा दणक्यात, तेही एक रुपयात..’ मजा म्हणजे त्यांनी एक नंबर सुद्धा बोर्ड वर लिहिला होता.

आता अशी कोणीतरी व्यक्ति शहराच्या मधोमध बोर्ड घेऊन उभी राहिली तर दंगा तर होणारच ना आणि तेच घडले. सगळ्यांना हे आधुनिक भटजी बुवा भलतेच आवडले. अनेक कपल्सने तेथे थांबून या भटजी बुवांबरोबर सेल्फीसुद्धा काढले. तर अनेक मुलींनी त्यांच्या प्रियकराला हा मेसेज दाखवत चिडवले सुद्धा.