२०२३ मध्ये शून्य सबस्क्राइबर्स पासून युट्युब चॅनेल हिट कसं करावं? Housequeen ने सांगितलं गुपित

Housequeen Marathi Video: युट्युब हे करिअरचं क्षेत्र म्हणून निवडणाऱ्यांची संख्या दिवसागणिक वाढत आहे. आपल्या सोयीनुसार काम करण्याची मुभा आणि अधिकाधिक लोकांपर्यंत पोहोचवणारं हे माध्यम सर्वच वयोगटातील व्यक्तींना आकर्षित करत आहे. विशेषतः या माध्यमातून गृहिणींना सुद्धा आपली आवड जपण्याची सुवर्णसंधी मिळाली आहे. याच संधीचं सोनं केलेल्या एका युट्युबरची आम्ही नुकतीच भेट घेतली. लोकसत्ताच्या इन्फ्लुएन्सरच्या जगात या सीरीजमध्ये गप्पा मारताना हाऊसक्वीन (Housequeen) धनश्री पवार हिने आपल्या यूट्यूबच्या प्रवासात शिकलेल्या काही खास गोष्टींचा उलगडा केला आहे. २०२३ मध्ये सुद्धा समजा नव्याने युट्युब चॅनेल सुरु करण्यास सांगितलं तर कोणत्या चार गोष्टी लक्षात ठेवून व्हिडीओ अपलोड करायला हवेत आणि शून्यापासून लाखांपर्यंत सबस्क्राइबर्स कसे न्यायला हवेत हे तिने यातून सांगितले आहे.