Viral Video : अनेक मुलं शिक्षणासाठी किंवा नोकरीसाठी घर सोडून आणि आईवडिलांपासून दूर होत दुसऱ्या शहरात जातात. लहानपणापासून आईवडील सांभाळतात, लहानाचं मोठं करतात पण जेव्हा मुलांना घर सोडून जावं लागतं, तो क्षण आईवडिलांसाठी किंवा त्यांच्यासाठी खूप भावुक करणारा असतो. सध्या असाच एक व्हिडीओ व्हायरल झाला आहे. या व्हिडीओमध्ये तुम्हाला दिसेल की एक आई रेल्वेस्टेशनवर आपल्या मुलाला सोडायला आली आहे आणि भावुक मनाने आपल्या मुलाला बाय बाय करताना दिसत आहे. हा व्हिडीओ पाहून कोणाच्याही डोळ्यात पाणी येईल.
असं म्हणतात आई आणि मुलाचे नाते हे जगावेगळे असते. आईसाठी तिचा मुलगा हा जीव की प्राण असतो पण जेव्हा हाच मुलगा शिक्षणासाठी किंवा नोकरीसाठी तिच्यापासून दूर जातो, तो क्षण तिच्यासाठी अत्यंत वेदनादायक असतो. या व्हायरल व्हिडीओमध्ये तुम्हाला आईवडील दिसेल जे त्यांच्या मुलाला रेल्वेस्टेशनवर सोडायला आले आहे. व्हिडीओत तुम्हाला दिसेल की रेल्वेच्या दरवाज्यावर मुलगा उभा आहे आणि आईवडिलांना बायबाय करत आहे.आईवडील सुद्धा मुलाला बाय बाय करताना दिसतात. ट्रेन सुटते तसे आईचे डोळे भरून येतात. व्हिडीओत तुम्हाला दिसेल की ट्रेन पुढे जात असते पण तरीसुद्धा आई बाय बाय करणे थांबवत नाही. हा व्हिडीओ पाहून कोणीही भावुक होईल. या व्हिडीओवर लिहिलेय, “कोण म्हणतं मुलांची ‘विदाई’होत नाही”
पाहा व्हायरल व्हिडीओ
continentalkrish या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “मुलं रडत नाही, पण ते रडतात” या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “आईवडिल तुमच्यासमोर दाखवणार नाही पण तुम्ही कळणार की ते तुम्ही गेल्यानंतर किती रडणार. वैयक्तिक अनुभव”
तर एका युजरने लिहिलेय, “आई ही आईच असते” आणखी एका युजरने लिहिलेय, “हा व्हिडीओ पाहून डोळ्यात पाणी आले.. ” एक युजर लिहितो, “प्रत्येक मुलगा त्याची भावना समजू शकेल” तर एक युजर लिहितो, “हा क्षण खूप भावुक करणारा असतो” अनेक युजर्सनी या व्हिडीओच्या कमेंट सेक्शनमध्ये त्यांचे अनुभव सांगितले आहे.
