Dance Video Viral : सोशल मीडियावर अनेक प्रकारचे डान्स व्हिडीओ व्हायरल होत असतात. काही व्हिडीओ मजेशीर असतात तर काही व्हिडीओ थक्क करणारे असतात. लहान मुलांपासून वृद्ध लोकांपर्यंत अनेक जण आवडीने डान्स करतात. सध्या असाच एक डान्स व्हिडीओ समोर आला आहे. या व्हिडीओमध्ये काही तरुणींचा एक ग्रुप स्टेजवर डान्स करताना दिसत आहे. त्यांचा पाहून कोणीही थक्क होईल. आप्पाचा विषय हार्ड आहे या लोकप्रिय गाण्यावर त्या डान्स करत आहे. विशेष म्हणजे त्यांनी नऊवारी नेसली आहे आणि त्यात त्यांच्या डान्सनी सर्वांचे लक्ष वेधून घेतले आहे.
हा व्हायरल व्हिडीओ एका महोत्सवातील आहे. या व्हिडीओमध्ये काही तरुणी एकसारख्या नऊवारी नेसून स्टेजवर डान्स करताना दिसत आहे. त्या सर्व तरुणींमध्ये एका तरुणीने तिच्या हावभावाने सर्वांचे लक्ष वेधून घेतले आहे. ही तरुणी अप्रतिम असा डान्स करतेय पण त्याबरोबर तिचे सुंदर आणि नजर रोखून ठेवणारे हावभाव तुम्हाला थक्क करतील. या तरुणी अप्पाचा विषय लय हार्ड आहे या गाण्यावर डान्स करताना दिसत आहे. या व्हिडीओवर लिहिलेय, “खूप मोठी कलाकार होणार ताई तू”
पाहा व्हायरल व्हिडीओ (Watch Video viral)
real_funny_adi या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “ताईंचे नृत्य खूपच सुंदर तितकीच त्यांची अदा पण सुंदर आहे….” तर एका युजरने लिहिलेय, “गाण रिमीक्स ज्यानी केलं आहे त्याच नाव सांगा ! खरा कलाकार गाण रिमीक्स करणारा आहे.” आणखी एका युजरने लिहिलेय, “हे टॅलेंट रक्तातच असते.” एका युजरने लिहिलेय, “हिच्यासमोर गौतमी पाटील फेल” तर एका युजरने लिहिलेय, “हो खर खूप मोठी कलाकर होणार” अनेक युजर्सनी या व्हिडीओवर हार्टचे इमोजी शेअर केले आहेत. काही युजर्सनी तिच्यावर कौतुकाचा वर्षाव केला आहे. हा व्हिडीओ नेमका कुठला आहे, याविषयी अद्याप माहिती नाही पण सध्या सोशल मीडियावर तुफान व्हायरल होतोय. एखाद्या कॉलेज किंवा कार्यक्रमातील हा व्हिडीओ असावा, अशी शक्यता आहे. हा व्हिडीओ एक लाख लोकांनी लाइक केला आहे.
यापूर्वी सुद्धा सोशल मीडियावर असे अनेक डान्सचे व्हिडीओ व्हायरल झाले आहेत.
