Viral Video : उखाणा हा महाराष्ट्राच्या संस्कृतीचा एक महत्त्वाचा भाग आहे. कोणताही शुभ प्रसंग असतो, मंगलकार्य, लग्नसमारंभ किंवा गृहप्रवेश उखाणा हा आवडीने विचारला जातो.पूर्वी फक्त महिला उखाणा घ्यायच्या आता पुरुष सुद्धा आवडीने उखाणा घेतात. उखाण्याचे अनेक मजेशीर व्हिडीओ व्हायरल होतात. काही उखाणे ऐकून पोट धरून हसायला येते तर काही उखाण्याचे व्हिडीओ भावुक करणारे असतात. सध्या असाच एक उखाण्याचा व्हिडीओ व्हायरल होत आहे. या व्हिडीओमध्ये एक नवरी गृहप्रवेश करताना उखाणा घेताना दिसते. हा उखाणा ऐकून कोणीही थक्क होईल.
या व्हायरल व्हिडीओमध्ये तुम्हाला नवरी आणि नवरदेव घराच्या प्रवेश द्वाराजवळ उभे असलेले दिसत आहे. नवरीला उखाणा घेण्यास सांगतात तेव्हा नवरी उखाणा घेते. उखाणा घेताना ती म्हणते, “हंड्यावर हंडा, हंड्यावर परात, साईराजचं नाव घेऊन सासूबाई येऊ का घरात?” तिचा हा हटके उखाणा ऐकून सर्वच थक्क होतात आणि एकच जल्लोष करतात आणि टाळ्या वाजवतात. सध्या तिचा हा गोड उखाणा चांगलाच व्हायरल होत आहे. या तिच्या व्हिडीओवर १ लाखांहून अधिक लाइक्स आले आहेत. तिचे नाव निकोल एलिझाबेथ आहे तर तिच्या नवऱ्याचे नाव साईराज परब आहे.
पाहा व्हायरल व्हिडीओ
sairaj_prashant_parab या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “दोन महिने झाले तिने उखाणा घेऊन मला सरप्राइज केले.” हा तरुण महाराष्ट्रीयन आहे पण ती मात्र महाराष्ट्रीयन नाही. त्यामुळे तिचे मराठी भाषेत उखाणा घेणे सरप्राइज वाटू शकते.”
या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “ज्या पद्धतीने ती म्हणाली, सासूबाई येऊ का घरात?” ते मला आवडलं” तर एका युजरने लिहिलेय, “किती क्युट आहे नवरी” आणखी एका युजरने लिहिलेय, “मी खूपदा हा व्हिडीओ बघितला तरी पुन्हा पुन्हा बघावासा वाटतो.” एक युजर लिहितो, “एक नंबर उखाणा घेतला” तर एका युजरने लिहिलेय, “किती क्युट आहे, मला खूपच आवडला हा उखाणा” अनेक युजर्सनी या व्हिडीओवर हार्टचे इमोजी शेअर केले आहेत.
