संध्याकाळी आपल्या कामातून थोडा वेळ काढून मित्रांना आपण भेटायला जातो. त्यांच्याबरोबर काहीतरी खाण्यासाठी आपण एखादे हॉटेल, कॅफे किंवा अगदी काहीच नाही तर नाक्यावरच्या चाटवाल्याकडे, मोमोच्या दुकानावर जातो. गरमागरम स्टीम मोमो, लाल चटणी आणि त्याबरोबर पेप्सी किंवा एखादे सॉफ्ट ड्रिंक यावर मित्रांच्या भरपूर गप्पा रंगतात. मात्र, तुम्हाला जर कुणी पेप्सी आणि मोमो वेगवेगळे देण्याऐवजी, पेप्सीवर वाफवलेले मोमो खायला दिले तर? ऐकूनच अंगावर शहारा आला ना? पण असा प्रकार खरंच विकला जातो. सध्या इन्स्टाग्राम या सोशल मीडियावर @hnvstreetfood नावाच्या अकाउंटने शेअर केलेल्या 'पेप्सी मोमो'चा व्हिडीओ चांगलाच व्हायरल होत आहे. नेमके या व्हिडीओमध्ये काय दाखवले आहे ते पाहू. हेही वाचा : वाह! WWE सुपरस्टार ‘जॉन सिना’ गातोय शाहरुख खानचे ‘हे’ गाणे! व्हिडीओ पाहून नेटकरी म्हणतात, “खूपच विचित्र…” मोमो स्टीम म्हणजे वाफवण्यासाठी स्टीमरमध्ये पाणी घातले जाते. परंतु, व्हिडीओच्या सुरुवातीला मोमो बनवणारी व्यक्ती पाण्याऐवजी स्टीमरमध्ये चक्क पेप्सी घालत असल्याचे आपल्याला दिसते. हे बघून खरंतर व्हिडीओ बनवणारा व्यक्तीदेखील आश्चर्यचकित झाला होता. म्हणून त्याने मोमो बनवणाऱ्या व्यक्तीला, तो "हे काय करतो आहे?" असा प्रश्न विचारतो. त्यावर समोरची व्यक्ती, "हे मला मालकाने करायला सांगितले आहे", असे उत्तर देतो. पेप्सी वापरल्याने मोमोचा रंगदेखील बदलला असल्याचे आपण व्हिडीओमध्ये पाहू शकतो. पेप्सीमुळे तयार झालेल्या मोमोजवर हलका काळपट किंवा ग्रे रंग आलेला आहे. तसेच या सॉफ्ट ड्रिंकचे काही थेंबदेखील त्यावर आपण पाहू शकतो. आता अशा या पेप्सीमध्ये तयार केलेल्या मोमोची चव कशी लागेल याचा विचार तुम्हीच करा. मात्र, हा व्हिडीओ सोशल मीडियावर शेअर झाल्यानंतर नेटकऱ्यांनी त्यावर काय प्रतिक्रिया दिल्या आहेत त्या पाहू. "पेप्सी ऐवजी यात अल्कोहोल घालून पाहा", असे एकाने बदामाच्या डोळ्याचे इमोजी टाकत लिहिले आहे. दुसऱ्याने, "हा बावळटपणा फक्त इथेच होऊ शकतो" असे म्हटले आहे. तिसऱ्याने, "हे डीह्युमिडीफायर [dehumidifier] सारखे दिसत आहे" असे लिहिले आहे. तर शेवटी चौथ्याने "हे म्हणजे विषारी/जहरीले मोमोज" अशा आशयाची प्रतिक्रिया लिहिली आहे. अनेकांनी या व्हिडीओखाली वेगवेगळ्या इमोजी आणि gif टाकून आपल्या प्रतिक्रिया नोंदवल्या आहेत. हेही वाचा : तरुणाने चक्क मगरीच्या पिल्लाला Kiss केले आणि…; व्हिडीओ पाहून नेटकरी म्हणाले, “मूर्खासारखे…” पेप्सी मोमोचा व्हिडीओ पाहा : https://www.instagram.com/reel/C3F0KyMvCjq/?utm_source=ig_embed&ig_rid=3cffd729-1497-464d-8791-42a0fcf47f34 सोशल मीडियावर हा व्हिडीओ शेअर झाल्यानंतर त्याला आत्तापर्यंत ७८.४K व्ह्यूज मिळाले आहे.
