प्लास्टिकचा कचरा द्या आणि मोफत चहा प्या! उदयपूरच्या युवकाचा स्वच्छतेसाठी भन्नाट उपक्रम; पाहा Video

कारण, सर्वसामान्य नागरिकांचा सहभाग वाढेल तेव्हाच स्वच्छता राखली येईल. लोकांचा सहभाग वाढवण्यासाठी पंतप्रधान नरेंद्र मोदी यांनी जनजागृतीसाठी स्वच्छ भारत अभियानाची सुरूवात केली. मात्र, आपला परिसर स्वच्छ रहावा म्हणून उदयपूरमधील केलवाडा येथील एका चहाची टपरी चालवणाऱ्या युवकाने अनोखी शक्कल लढवली असून, तो प्लास्टिकच्या बॉटल आणि कचऱ्याच्या बदल्यात लोकांना मोफत चहाचं वाटप करत आहे. त्यामुळे लोक आपल्या परिसरातील कचरा गोळा करुन त्याच्या टपरीवर जमा करताना दिसतं आहेत.

हेही पाहा- आळशीपणाचा कळस! Online Payment साठी सतत मोबाईल काढावा लागतो म्हणून पठ्ठ्याने हातावरच काढला बारकोड

हा अनोखा उपक्रम सुरु केलेल्या युवकाचं नाव भग्गासिंग आहे. त्याने त्याच्या चहाच्या टपरीसमोर एक बोर्ड लावला आहे. त्यावर लिहलं आहे की, ‘प्लास्टिकचा कचरा आणा आणि मोफत चहा-कॉफी, नाश्ता मिळवा’ त्यामुळे केवळ प्लास्टिकच्या बॉटल आणि कचऱ्याच्या बदल्यात कोणतेही शुल्क न घेता फक्त कचऱ्याच्या बदल्यात चहा देणाऱ्या युवकाचं सर्व स्तरातून कौतुक करण्यात येतं आहे.

दरम्यान, या युवकाच्या चहाच्या टपरीची भुरळ भारतीय क्रिकेटर रवी बिष्णोई याला देखील पडली आणि त्याने प्लास्टीकची बॉटल देऊन भग्गासिंगच्या टपरीवर चहा पिल्याचंही व्हीडिओमध्ये दिसतं हे. शिवाय भग्गासिंगच्या चहाच्या टपरीची चर्चा सोशल मीडियावर जोरदार सुरु आहे. शिवाय आपला परिसर स्वच्छ ठेवण्यासाठी त्याच्या प्रामाणिक प्रयत्नाचं कौतुक केलं जातं आहे. तर भग्गासिंगच्या अनोख्या उपक्रमाचे ग्रामीण स्वच्छ भारत उपक्रमाच्या सोशल मीडियावर दखल घेतली असून त्यांनी देखील त्याच्या या उपक्रमाचं कौतुक केलं आहे.