Viral Video: समाजमाध्यमांवर लहान मुलांपासून ते वयोवृद्धांपर्यंत अनेक जण रील्सद्वारे आपली कला सादर करताना दिसतात. कधी डान्स, तर कधी गाणी, अभिनय अशा विविध गोष्टी हौशी युजर्स शेअर करतात. त्यातील काहींचे व्हिडीओ इतके व्हायरल होतात की, ज्यामुळे त्यातील लोकांचे संपूर्ण आयुष्य बदलून जातं. दरम्यान, आता एका महिलेचा घरातील डान्स खूप व्हायरल होत आहे, ज्यातील तिच्या डान्सचं नेटकरी भरभरून कौतुक करताना दिसत आहेत.
सामान्य कुटुंबातील महिलांच्या आयुष्यातील बराच वेळ त्यांचं कुटुंब, मुलं, नोकरी, घराची जबाबदारी या सगळ्या गोष्टींभोवती फिरत असतो. यापलीकडे जाऊन त्यांना त्यांचा स्वतःचा वेळ फार कमी मिळतो. पण, त्यातूनही काही हौशी महिला आवड म्हणून किंवा आनंद व्यक्त करण्यासाठी डान्स करताना दिसतात. आता व्हायरल होत असलेल्या व्हिडीओतील ही महिलादेखील असाच डान्स करताना दिसतेय.
या व्हायरल व्हिडीओमध्ये तुम्ही पाहू शकता, एक महिला तिच्या घरामध्ये डान्स करताना दिसतेय, यावेळी तिच्या घरातील मंडळीदेखील तिथे उपस्थित होती. ही महिला “पाहुणं, जेवला काय?”, या गाण्यावर डान्स करतेय. नाचताना महिलेच्या चेहऱ्यावर दिसणारा आनंद पाहून नेटकरीही तिचं कौतुक करीत आहेत.
पाहा व्हिडीओ:
हा व्हिडीओ इन्स्टाग्रामवरील @vkadam95 या अकाउंटवरून शेअर करण्यात आला आहे. त्यावर आतापर्यंत अनेक व्ह्युज आणि अनेक लाइक्स आल्या आहेत. या व्हिडीओवर अनेक युजर्स कमेंट्स करीत आहेत. एका युजरनं कमेंटमध्ये लिहिलंय, “सुपर डान्स नाद खुळा”, तर दुसऱ्या युजरनं लिहिलंय, “काकू जरा हळू”, तर आणखी एकानं लिहिलंय, “खूपच छान डान्स.”
